VIDEO : સલમાન ખાને જાણીતા બિઝનેસમેનનો ઉધડો લીધો, પૂછ્યું - યે દોગલાપન ક્યા હૈ? ફેન્સ ચોંક્યા

Salman khan And Ashneer Grover Video: શાર્ક ટેન્ક ઈન્ડિયાના જજ અને ભારત પેના કો-ફાઉન્ડર અશનીર ગ્રોવરનો સલમાન ખાને ઉધડો લીધો છે. જેનો વીડિયો સોશિયલ મીડિયા પર ખૂબ વાયરલ થયો છે. આક્રમક અને ઉગ્ર એટિટ્યૂડ માટે જાણીતા ગ્રોવરને સલમાન ખાને બિગ બોસ 18ના વિકએન્ડ કા વાર એપિસોડમાં બોલાવી પોતાના વિશે કરવામાં આવેલી વાત પર બરાબરના ખખડાવ્યા છે.

બિગ બોસ 18ની એપિસોડની વાયરલ ક્લિપમાં સલમાન ખાન અશનીરને કહી રહ્યા છે કે, મેને આપકો મેરે બારે મે કહેતે હુએ સુના હે કુછ. આપને કહા કી હમને તો ઈસકો ઈતને મે સાઈન કર દીયા. ઉસકા ફિગર ભી આપને ગલત દે દિયા. તો ફીર યે દોગલાપન ક્યા હે (મેં તમને મારા વિશે વાત કરતાં સાંભળ્યા છે તમે કહી રહ્યા છો કો, તમે મને આટલા રૂપિયામાં સાઈન કર્યો છે, તેમાં તમે આંકડો પણ ખોટો આપ્યો છે, તો પછી આ દોગલાપન શું છે?)

આ પણ વાંચોઃ તમે બ્રહ્માંડ પર કલંક છો, પ્લીઝ મરી જાઓ..', Google AI ચેટબોટ જેમિનીના જવાબથી યૂઝર આઘાતમાં

અશનીરે આપ્યો જવાબ

અશનીરે જવાબ આપ્યો કે, અમે તમને બ્રાન્ડ એમ્બેસેડર બનાવ્યા હતા, તે મારો સચોટ નિર્ણય હતો... જેનો જવાબ આપતાં સલમાન ખાન કહે છે કે, પરંતુ જે રીતે તમે હાલ વાત કરી રહ્યા  છો, તે એટીટ્યૂડ બરાબર છે, પણ તમે જ્યારે વીડિયોમાં બોલી રહ્યા હતા, તે સમયનો એટીટ્યૂડ અલગ હતો.

અશનીરે સલમાન વિશે શું કહ્યું હતું?

અશનીરે ગત વર્ષે વગેરા વગેરા પોડકાસ્ટ પર સલમાન વિશે નિવેદન આપ્યું હતું કે, તેણે સલમાન સાથે ફોટો લેવાનું ટાળ્યું હતું. અશનીરે કહ્યું કે, તેને અમે સ્પોન્સર રાખ્યો હતો. તેને શૂટ માટે હું મળ્યો હતો, તેને કંપની વિશે સંક્ષિપ્ત માહિતી આપવા. સલમાને મને ત્રણ કલાક તેની સાથે બેસાડ્યો, અને તેના મેનેજરે મને કીધુ કે, તમે સાહેબ સાથે ફોટો ન લેતાં. તેમને ખરાબ લાગે છે. તો મે પણ કહી દીધું કે, નથી લેવો ફોટો મારે જા તુ... એવી કઈ હીરોપંતી કરે છે...