'સાલાર'એ પહેલા જ દિવસે તોડ્યો 'જવાન'નો રેકોર્ડ, વર્ષની સૌથી મોટી ઓપનર ફિલ્મ બની, જાણો આંકડા

Image Source: Twitter

મુંબઈ, તા. 22 ડિસેમ્બર 2023 શુક્રવાર

પ્રભાસની મચ અવેટેડ એક્શન થ્રિલર ફિલ્મ 'સાલાર: પાર્ટ-1 સીઝફાયર' 22 ડિસેમ્બર શુક્રવારે થિયેટર્સમાં રિલીઝ થઈ ગઈ. આ ફિલ્મનો શાહરૂખ ખાનની ડંકીની સાથે મોટો ક્લેશ થયો છે. જોકે બંને જ ફિલ્મોનો જોરદાર ક્રેઝ જોવા મળી રહ્યો છે પરંતુ કમાણીના મામલે સાલારે આવતા જ ડંકીની બેન્ડ બજાવી દીધી છે. પ્રભાસની ફિલ્મના એડવાન્સ બુકિંગનું કલેક્શન (લગભગ 50 કરોડ) જ ડંકીના ઓપનિંગ ડે (30 કરોડ) ની કમાણીથી ખૂબ વધુ છે. સાલારે શાહરૂખ ખાનની વર્ષની સૌથી મોટી ફિલ્મ જવાનનો રેકોર્ડ પણ તોડી દીધો છે. 

સાલારે કેટલા કરોડથી કર્યું ઓપનિંગ?

પ્રભાસની સાલારે રિલીઝ સાથે જ બોક્સ ઓફિસ પર ધમાલ મચાવી દીધી છે. ફિલ્મનો ક્રેઝ દર્શકોમાં જોવા મળી રહ્યો છે અને ફર્સ્ડ ડે આ ફિલ્મને જોવા માટે થિયેટર્સમાં દર્શકોની ભારે ભીડ જોવા મળી રહી છે. કેટલાક થિયેટર્સમાં તમામ શો હાઉસફુલ જઈ રહ્યા છે. આ સૌની વચ્ચે સાલારે રિલીઝની સાથે જ ઈતિહાસ રચી દીધો છે. ફિલ્મે પોતાની પહેલા દિવસની એડવાન્સ બુકિંગમાં 50 કરોડ નજીક કલેક્શન કર્યું હતુ. રિપોર્ટ અનુસાર સાલાર પોતાની રિલીઝના પહેલા દિવસે 95 કરોડની ઐતિહાસિક ઓપનિંગ કરી શકે છે. જોકે સત્તાવાર ડેટા આવ્યા બાદ આમાં પરિવર્તન થઈ શકે છે.

સાલારે 'જવાન'નો રેકોર્ડ તોડ્યો 

પ્રભાસની સાલારે બમ્પર ઓપનિંગ કર્યું છે. ફિલ્મનું પહેલા દિવસે 95 કરોડ નજીક કલેક્શન એક મોટો રેકોર્ડ છે. આ સાથે આ ફિલ્મે શાહરૂખ ખાનની આ વર્ષની સૌથી મોટી ફિલ્મ જવાનને પછાડી છે. સાલારે જવાનના ઓપનિંગ ડેના કલેક્શનના રેકોર્ડને તોડી દીધો છે અને આ સાથે ફિલ્મ વર્ષની સૌથી મોટી ઓપનર બની ચૂકી છે. જવાને રિલીઝના પહેલા દિવસે 75 કરોડની ઓપનિંગ કરી હતી સાલારે પહેલા દિવસે 95 કરોડનું કલેક્શન કર્યું.

સાલાર સ્ટાર કાસ્ટ

સાલારનું નિર્દેશન કેજીએફ ફેમ ડાયરેક્ટર પ્રશાંત નીલે કર્યું છે અને આ ફિલ્મની સ્ટાર કાસ્ટમાં પ્રભાસ સિવાય પૃથ્વીરાજ સુકુમારન, શ્રુતિ હાસન અને જગપતિ બાબુએ મહત્વનો રોલ પ્લે કર્યો છે.