હુમલાખોર સૈફના ઘરમાં પહેલાથી હાજર હતો કે પાઈપલાઈનથી ઘૂસ્યો? જાણો CCTVમાં શું દેખાયું

Saif Ali Khan News: બોલિવૂડ અભિનેતા સૈફ અલી ખાન અને અભિનેત્રી કરીના કપૂર ખાનના બાન્દ્રા વેસ્ટમાં આવેલા ઘરમાં ગુરુવારે વહેલી સવારે ચોરીની મોટી ઘટના બની. આ દરમિયાન સૈફ પર ચપ્પાથી હુમલો કરી દેવામાં આવ્યો હતો. પોલીસે જણાવ્યું કે સૈફની હાલમાં લીલાવતી હોસ્પિટલમાં સારવાર ચાલી રહી છે. 

હંમેશા શાંત અને વિવાદોથી દૂર રહેતા સૈફ પર હુમલો 

હંમેશા શાંત અને વિવાદોથી દૂર રહેતા સૈફ સાથે ગઈકાલે રાત્રે એક અકસ્માત થયો હતો. રાત્રે 2 વાગે કોઈ અજાણ્યો શખ્સ તેમના ઘરમાં ઘુસ્યો હતો. અભિનેતા પર ચપ્પાથી હુમલો કર્યો હતો. સૈફ પર હુમલાને લઈને મુંબઈ પોલીસનું નિવેદન સામે આવ્યું છે. આ ઉપરાંત પીઆરનું સત્તાવાર નિવેદન પણ બહાર પાડવામાં આવ્યું છે. એવામાં જાણીએ અભિનેતા પર હુમલાના મામલામાં અત્યાર સુધી કયા કયા ખુલાસા થયા છે.

ઘુસણખોરે સૈફ સાથે દલીલ કરી હતી

મુંબઈ પોલીસના જણાવ્યા અનુસાર, ગઈકાલે રાત્રે એક અજાણ્યો વ્યક્તિ સૈફના ઘરમાં ઘૂસ્યો હતો. ત્યારબાદ તેણે ત્યાં હાજર નોકરાણી સાથે દલીલ કરવાનું શરૂ કર્યું. આ બંનેની દલીલમાં સૈફ વચ્ચે પડીને તે વ્યક્તિને શાંત કરવાની કોશિશ કરી હતી. પરંતુ બંને વચ્ચે બોલાચાલી થઇ અને હુમલાખોર ગુસ્સે થઈ ગયો અને ગુસ્સામાં સૈફ પર 2-3 વાર છરીથી હુમલો કર્યો. 

સૈફ પર હુમલાને લઈને સૌથી મોટો સવાલ

મુંબઈ પોલીસે કહ્યું કે, અમે ઘટનાના બે કલાક પહેલાના સીસીટીવી ફૂટેજ જોયા છે. ફૂટેજમાં કોઈ અંદર જતું નથી. આવી સ્થિતિમાં પોલીસને શંકા છે કે હુમલાખોર અંદર છે. મુંબઈ પોલીસ સૈફ અલી ખાનના ઘરે દરેક એંગલથી તપાસ કરી રહી છે. તેમજ અભિનેતાના ઘરના પાંચ સ્ટાફ સભ્યોની પૂછપરછ કરવામાં આવી રહી છે.

જો કે, પોલીસને સૌથી વધુ શંકા સૈફ અલી ખાન અને કરીના કપૂરના ઘરમાં બનેલી ડક્ટ પર છે. આ ડક્ટ બેડરૂમમાં ખુલે છે. પ્રાથમિક તપાસમાં પોલીસનું કહેવું છે કે ચોર આ ડક્ટ દ્વારા ઘરમાં ઘૂસ્યા હશે. સીસીટીવી ફૂટેજમાં અંદર કોઈ આવે તેવું જોવા મળ્યું નથી. ઘરમાં કોઈ અજાણ્યો ચહેરો આવવાનો ઉલ્લેખ નથી. શું આનો અર્થ એ છે કે આ હુમલાનું આયોજન કરવામાં આવ્યું હતું?

સૈફની પીઆર ટીમ દ્વારા જાહેર કરવામાં આવેલા નિવેદન મુજબ સૈફના ઘરે ચોરીનો પ્રયાસ થયો હતો. હાલમાં તેની હોસ્પિટલમાં સર્જરી ચાલી રહી છે. મીડિયા અને ફેન્સને ધીરજ રાખવાની અપીલ છે. આ પોલીસ કેસ છે. અમે તમને પરિસ્થિતિ વિશે અપડેટ રાખીશું.

સૈફને ગંભીર ઈજા થઈ હતી

સૂત્રોના જણાવ્યા અનુસાર સૈફ 6 જગ્યાએ ઘાયલ છે. જેમાંથી એક ગરદન પર છે અને એક કરોડરજ્જુ પાસે (જે થોડી ઊંડી ઈજા છે). હોસ્પિટલમાં સૈફનું ઓપરેશન ચાલી રહ્યું છે. ઓપરેશન થિયેટરમાં પ્લાસ્ટિક સર્જન, ન્યુરો સર્જન હાજર છે, સૈફની નોકરાણી પણ ઘાયલ છે પરંતુ તે સૈફ કરતા ઓછી ઘાયલ છે.

આ પણ વાંચો: સૈફ અલી પર ચોરે 6 વખત ચપ્પાં વડે હુમલો કર્યો, ગળા-પીઠ અને હાથ પર ગંભીર ઈજાઓ થઈ

સૈફના ઘરમાં ચોર કેવી રીતે ઘૂસ્યો?

સૂત્રોનું કહેવું છે કે સૈફના ઘરમાં એક પાઇપલાઇન છે જે તેના બેડરૂમમાં ખુલે છે. પ્રાથમિક તપાસમાં ચોર ત્યાંથી ઘરમાં ઘૂસ્યો હોવાની પ્રબળ શક્યતા છે. માહિતી મળી છે કે આયાએ નોકરાણી અને ચોર વચ્ચેની દલીલનો અવાજ સાંભળ્યો હતો. આ પછી તે તરત જ ઊભી થઈ ગઈ. પોતાના પરિવારને બચાવવા માટે સૈફે હુમલાખોર સાથે સીધી લડાઈ કરી હતી. જેમાં સૈફ પર છરી વડે હુમલો કરવામાં આવ્યો હતો. બાદમાં ચોર ભાગી ગયા અને અભિનેતાને હોસ્પિટલમાં દાખલ કરવામાં આવ્યો. તે દરમિયાન સમગ્ર પરિવાર ઘરમાં હાજર હતો. અકસ્માત સમયે કરીના અને બંને બાળકો ઘરે જ હતા.