પલક તિવારી અને ઈબ્રાહીમ અલી ગળે ભેટ્યાં, ડેટિંગની અફવાઓ વચ્ચે વીડિયો થયો વાઈરલ

Ibrahim Ali Khan And Palak Tiwari : સૈફ અલી ખાન અને અમૃતા સિંહનો દીકરો ઈબ્રાહિમ અલી ખાન અવારનવાર હેડલાઈન્સમાં રહેતો હયો છે. સ્ટાર કિડ તેની આગામી ફિલ્મ 'સરઝમીન'થી બોલિવૂડમાં ડેબ્યૂ કરવા જઈ રહ્યો છે.  તેની પ્રોફેશનલ સિવાય પર્સનલ લાઈફની પણ સોશિયલ મીડિયા પર ખૂબ ચર્ચા થતી તહી છે. 26 ઓક્ટોબરના રોજ અબુ જાની સંદીપ ખોસલાની દિવાળી પાર્ટીમાં હાજરી આપનાર ઈબ્રાહિમ અલી તેની કહેવાતી ગર્લફ્રેન્ડ પલક તિવારીને ગળે લગાવતો જોવા મળ્યો હતો. બંનેનો વીડિયો સોશિયલ મીડિયા પર વાઈરલ થઇ રહ્યો છે.

ઈબ્રાહિમ અલી ખાને પાર્ટીમાં પ્રવેશતા પહેલા પલક તિવારીને ગેટ પર ગળે લગાવીને મુલાકાત કરી હતી. આ પાર્ટી દરમિયાન ઈબ્રાહિમે પલકનો પરિચય અભિનેતા વિજય વર્મા અને અભિનેત્રી તમન્ના ભાટિયા સાથે પણ કરાવ્યો હતો. ઈન્સ્ટાગ્રામ પર વાઈરલ થઈ રહેલા વીડિયોમાં પલક તિવારી અબુ જાની સંદીપ ખોસલાની દિવાળી પાર્ટીના સ્થળની બહાર પોતાની કારમાંથી નીચે ઉતરતી જોઈ શકાય છે. પલક તેના કહેવતા બોયફ્રેન્ડ ઇબ્રાહિમ અલી ખાનને ગળે લગાવતી જોવા મળી હતી.

આ પાર્ટીમાં ઈબ્રાહિમ વેન્યુ પર કેટલાક પલક અને બીજા સ્ટાર્સ સાથે વાત કરતો જોવા મળે છે. 27 ઓક્ટોબર, 2024 ના રોજ ડિઝાઇનર અબુ જાની સંદીપ ખોસલાની દિવાળી પાર્ટીમાં હાજરી આપનાર હસ્તીઓમાં ઇબ્રાહિમ અલી ખાનનો સમાવેશ થાય છે. આ કાર્યક્રમમાં વિજય અને તમન્ના પણ હાજર રહ્યા હતા.

તાજેતરમાં પલક તિવારી અને ઈબ્રાહિમ ઘણાં પ્રસંગોએ સાથે જોવા મળ્યા હતા. જો કે આ કહેવાતા કપલે હજુ સુધી એ વાતની પુષ્ટિ કરી નથી કે તેઓ ડેટિંગ કરી રહ્યાં છે. અહીં તમને જણાવી દઈએ કે પલક તિવારી, શ્વેતા તિવારી અને રાજા ચૌધરીની દીકરી છે. પલકએ વર્ષ 2023માં સલમાન ખાનની ફિલ્મ 'કીસી કા ભાઈ કિસી કી જાન'થી બોલિવૂડમાં એન્ટ્રી કરી હતી.