રણવીર અને દીપિકાએ પોણા પાંચ કરોડની કાર ખરીદી

- પુત્રીના જન્મના માનમાં નવી કારની ખરીદી

- અગાઉની ત્રણ કાર જેમ આ રેન્જ રોવરનો પણ 6969 નંબર મેળવ્યો

મુંબઇ : રણવીર સિંહ અને દીપિકાએ ૪.૭૪ કરોડની નવી કાર ખરીદી છે. દીકરીના જન્મની ખુશાલીમાં તેમણે આ કાર ખરીદી હોવાનું મનાય છે. 

રણવીરના કાફલામાં આ ચોથી કાર છે . અભિનેતા ૬૯૬૯ નંબરને લકી માનતો હોવાથી પોતાની અગાઉની  ત્રણ કારની જેમ જ આ કારનો નંબર પણ ૬૯૬૯ રાખ્યો છે. 

રણવીરની ગ્રીન રંગની રેન્જ રોવર ૪.૪ એલડબલ્યૂબીનાફોેટો સોશિયલ મીડિયા પર વાયરલ થયો છે. આ કારનું રજિસ્ટ્રેશન ગઈ તા. ચોથી ઓક્ટોબરે કરવામાં આવ્યું હતું.  ઉલ્લેખનીય છે કે ગઈ તા. આઠમી સપ્ટેમ્બરે  દીપિકા એક બાળકીની માતા બની હતી.