VIDEO : રણબીર કપૂર ફરી બન્યો 'વરરાજા'! જાનૈયાઓ સાથે લીધી ગ્રાન્ડ એન્ટ્રી, ડાન્સ પણ કર્યો

Image: Facebook

Ranbir Kapoor Video Viral: રણબીર કપૂર અત્યારે પોતાની અપકમિંગ ફિલ્મ 'રામાયણ' ને લઈને ખૂબ ચર્ચામાં છે. આ ચર્ચિત ફિલ્મમાં રણબીર કપૂર ભગવાન શ્રીરામના પાત્રમાં નજર આવશે. ફિલ્મમાં અભિનેતાનો લુક પહેલા જ વાયરલ થઈ ચૂક્યો છે, તે બાદ મેકર્સ સંપૂર્ણ સાવધાની સાથે શૂટિંગ કરી રહ્યા છે. આ દરમિયાન રણબીર કપૂરનો વધુ એક વીડિયો ચર્ચામાં છે, જેમાં તે શેરવાની, પાઘડી પહેરેલો વરરાજા બનેલો નજર આવી રહ્યો છે. રણબીરનો આ અંદાજ તેના ચાહકોનું દિલ જીતી રહ્યો છે. તાજેતરમાં જ અભિનેતા એક ઇવેન્ટમાં સામેલ થયો હતો, જેમાં તેણે વરરાજા બનીને રેમ્પ વોક કર્યું. રણબીર આ ફેશન ઇવેન્ટનો શો સ્ટોપર હતો.

સ્ટેજ પર કર્યો ડાન્સ

રણબીરની સાથે વીડિયોમાં 'તુ જૂઠી મેં મક્કાર'ના કો-સ્ટાર અનુભવ બસ્સી પણ નજર આવી રહ્યો છે. બીજી વખત વરરાજા બનેલા રણબીરનો આ વીડિયો ઝડપથી વાયરલ થઈ રહ્યો છે. આ દરમિયાન અભિનેતાને વેવ કરતો જોઈ શકાય છે. રણબીરના આ વીડિયો પર તેના ચાહકો પ્રતિક્રિયા આપતાં થાકી રહ્યા નથી. ઘણાએ અભિનેતાના લુકના વખાણ કર્યા. આ સિવાય પણ રણબીરનો એક વીડિયો ચર્ચામાં છે, જેમાં રણબીર પોતાના અને આલિયાના લગ્ન વિશે વાત કરતો નજર આવી રહ્યો છે. રણબીરે જણાવ્યું કે લગ્નની સમગ્ર વ્યવસ્થાઓ આલિયાએ કરી હતી અને તે બસ તેને ફોલો કરી રહ્યો હતો. અમારા લગ્ન ઘરમાં થયા હતા અને તેમાં વધુ મહેમાન સામેલ થયા નહોતા, તેથી તે અમારા માટે એક પરફેક્ટ મેરેજ હતા.

2022માં રણબીર-આલિયાના લગ્ન થયા હતા

રણબીર કપૂર અને આલિયા ભટ્ટે 2022માં પોતાના ઘરમાં જ સાત ફેરા લીધા હતા. લગ્ન બાદ આલિયાએ ઇન્સ્ટાગ્રામ પર પોતાના લગ્નની તસવીરો શેર કરી હતી અને પોતાની ખુશી શેર કરી હતી. આ વર્ષે આ કપલ માતા-પિતા બન્યું, બંનેને ઘણી વખત પોતાની પુત્રી સાથે સ્પોટ કરવામાં આવે છે.