રણબીર અને વિકી કૌશલ લવ એન્ડ વોરના શૂટિંગ માટે રાજસ્થાનમાં

મુંબઇ : રણબીર કપૂર અને વિકી કૌશલ સંજય લીલા ભણશાળીની  ફિલ્મ 'લવ એન્ડ વોર'ના શૂટિંગ માટે રાજસ્થાન પહોંચી ગયા છે. 

રણબીર કપૂર અને વિક્કી કૌશલની એક તસવીર વાયરલ થઇ હતી, જેમાં તેઓ બીકાનેરના વાયુસેના અડ્ડા પર વાયુસેનાનાએક અધિકારી સાથે પોઝ દેતા જોવા મળ્યા હતા.તે પરથી અટકળ વ્યક્ત થઈ રહી છે કે  બન્ને અભિનેતા આગામી ફિલ્મમાં વાયુસેનાના અધિકારીઓની ભૂમિકા નિભાવશે. 

 આ ફિલ્મ માર્ચ  ૨૦૨૬માં રિલીઝ થવાની છે. ઉલ્લેખનીય છે કે, રણબીર અને વિક્કીએ આ પહેલા ૨૦૧૮માં ફિલ્મ 'સંજૂ'માં સાથે કામ કર્યુ હતું. 

ફિલ્મ માટે આલિયા ભટ્ટ આગામી ડિસેમ્બરથી તેનું શૂટિંગ શરુ કરવાની હોવાનું કહેવાય છે.