'નહીંતર ખતરનાક પરિણામ આવશે...', ચાર મોટા એક્ટર્સને મળી ધમકી, પાકિસ્તાનથી આવ્યો ઈ-મેઈલ

Actor Threaten By Email From Pakistan: મુંબઈના ચાર મોટા એક્ટર્સને પાકિસ્તાનથી ધમકીભર્યો ઈમેઇલ મળ્યો છે. સૂત્રો પાસેથી મળતી માહિતી અનુસાર, આ ધમકી રાજપાલ યાદવ, રેમો ડિસૂઝા અને સુગંધા મિશ્રાને મળી છે. જે મામલે રાજપાલ યાદવે મુંબઈના અંબોલી પોલીસ સ્ટેશનમાં ફરિયાદ નોંધાવી છે. પોલીસને ટીવી અભિનેત્રી સુગંધા મિશ્રા અને કોરિયોગ્રાફર રેમોની પણ મુંબઈ પોલીસને ફરિયાદો મળી છે.

મળતી માહિતી અનુસાર, ઇમેઇલ કરનારે ઇમેઇલના અંતે 'BISHNU' લખ્યું હતું. એવો દાવો કરવામાં આવી રહ્યો છે કે પ્રાથમિક તપાસમાં જાણવા મળ્યું છે કે ઇમેઇલ મોકલનાર વ્યક્તિએ પાકિસ્તાનથી આવ્યો હતો. આ મામલે વધુ તપાસ ચાલી રહી છે.

કપિલ શર્માને પણ જાનથી મારી નાખવાની ધમકી

રાજપાલ યાદવ, રેમો ડિસૂઝા અને સુગંધા મિશ્રા બાદ હવે કોમેડિયન કપિલ શર્માને પણ જાનથી મારી નાખવાની ધમકીઓ મળી છે. ધમકી આપનાર વ્યક્તિએ કપિલ શર્મા, તેના પરિવાર, સંબંધીઓ અને પડોશીઓને મારી નાખવાની ધમકી આપી છે. આ કેસમાં અંબોલી પોલીસે BNS ની કલમ 351(3) હેઠળ અજાણ્યા વ્યક્તિ વિરુદ્ધ કેસ નોંધીને તપાસ શરૂ કરી છે.

એક્ટર્સને શું આપવામાં આવી ધમકી?

પાકિસ્તાનથી મળેલા આ ઈમેલમાં રાજપાલ યાદવ, રેમો ડિસૂઝા અને સુગંધા મિશ્રાની ગતિવિધિઓ પર નજર રાખવાનો દાવો કરવામાં આવ્યો છે. મેઇલમાં લખ્યું છે કે, 'અમે તમારી હાલની તમામ ક્રિયાઓ પર નજર રાખી રહ્યા છીએ.' અમારું માનવું છે કે અમે તમારા ધ્યાનમાં એક સંવેદનશીલ બાબત લાવીએ. આ કોઈ પબ્લિક સ્ટંટ નથી કે તમને હેરાન કરવાનો પ્રયાસ નથી. અમે તમને વિનંતી કરીએ છીએ કે આ સંદેશને ખૂબ ગંભીરતાથી લો અને ગુપ્તતા રાખો.'

મેઇલરે 8 કલાકની અંદર જવાબ માંગ્યો

મેલમાં વધુમાં લખ્યું છે કે, જો મેઇલ કરનારની માંગણીઓ પર ધ્યાન આપવામાં નહીં આવે તો રાજપાલ યાદવ, સુગંધા મિશ્રા અને રેમો ડિસૂઝાને ખતરનાક પરિણામોનો સામનો કરવો પડશે. મેઇલરે સ્ટાર્સ પાસેથી 8 કલાકની અંદર જવાબ પણ માંગ્યો છે. મેઇલમાં લખ્યું છે- 'આવું ન કરવા પર ખતરનાક પરિણામો આવી શકે છે જે તમારી પ્રોફેશનલ અને પર્સનલ લાઈફ અસર કરી શકે છે. અમને આગામી 8 કલાકમાં તમારા તરફથી તાત્કાલિક રિસ્પોન્સની અપેક્ષા છે. જો અમને જવાબ નહીં મળે, તો અમે માની લઈશું કે તમે આ બાબતને ગંભીરતાથી લઈ રહ્યા નથી અને જરૂરી પગલાં લઈશું. વિષ્ણુ.' પાકિસ્તાનથી આવેલી ઈ-મેઈલમાં છેલ્લે લખ્યું છે કે, 'અમે બિશ્નોઈ નથી.'