રાજ કુમાર રાવને નવી ગેંગસ્ટર આધારિત ફિલ્મ માટે સાઈન કરાયો

- ભક્ષકના સર્જક જ આ ફિલ્મ બનાવી રહ્યા છે 

- જોકે, રાજ કુમાર રાવની ભૂમિકા તથા અન્ય કલાકારો વિશે હજુ સ્પષ્ટતા નહીં

મુંબઈ : રાજકુમાર રાવને એક ગેંગસ્ટર પર આધારિત ફિલ્મ માટે સાઈન કરાયો છે. આ ફિલ્મનું દિગ્દર્શન અગાઉ રાજકુમાર રાવને લઈ બોઝ ડેડ ઔર અલાઈવબનાવનારા દિગ્દર્શક પુલકિત કરવાના છે. પુલકિતે જ બનાવેલી ભૂમિ પેડનેકરની ભક્ષક ફિલ્મ હાલમાં જ રિલીઝ થઈ છે. 

જોકે, આ ફિલ્મમાં રાજકુમાર રાવના રોલ વિશે કોઈ ચોક્કસ વિગતો જાહેર કરવામાં આવી નથી. 

આ કયા ગેંગસ્ટરની વાત છે, ફિલ્મનું ટાઈટલ શું હશે તથા અન્ય કલાકારો કોણ હશે તેની જાહેરાત પણ હાલના તબક્કે કરવામાં આવી નથી. 

આ ફિલ્મ આગામી મહિનાઓમાંફલોર પર જાય તેવી સંભાવના છે. રાજકુમાર રાવ આ પહેલાં પણ કેટલાક એક્શન રોલ કરી ચૂક્યો હોવાથી તેના માટે આ ભૂમિકા સહજ હશે તેમ માનવામાં આવે છે. રાજકુમાર રાવ આ વર્ષે શ્રદ્ધા કપૂર સાથેની સ્ત્રી  ટૂ ફિલ્મ પર મોટો મદાર રાખી રહ્યો છે.