પુષ્પા 2ની ધમાકેદાર ઓપનિંગ, અલ્લુ અર્જુને તોડ્યો બોલિવૂડ કિંગ શાહરુખનો રેકોર્ડ

Pushpa 2's explosive opening: તેલુગુ ઇન્ડસ્ટ્રીમાંથી આવતા અલ્લુ અર્જુન હંમેશા ઉત્તર ભારતના હિન્દી ભાષી લોકોમાં પણ લોકપ્રિય હતા. હિન્દી ડબ ફિલ્મો દ્વારા પ્રેક્ષકોમાં ફેવરેટ બનેલા અર્જુને 2021માં રિલીઝ થયેલી 'પુષ્પા 1: ધ રાઇઝ' સાથે હિન્દી બોક્સ ઓફિસ પર પોતાનું કૌશલ્ય બતાવ્યું હતું.

હવે તેની સિક્વલ 'પુષ્પા 2: ધ રૂલ' સાથે અર્જુને હિન્દી દર્શકોમાં પોતાનો પાવર દેખાડ્યો છે. તેમની ફિલ્મ 'પુષ્પા 2'ને હિન્દીમાં તે તમામ સુપરસ્ટાર્સ તરફથી મોટી ઓપનિંગ મળી છે, જેમને હિન્દી ફિલ્મ ઈન્ડસ્ટ્રી એટલે કે બોલીવુડના સૌથી મોટા સ્ટાર કહેવામાં આવે છે.

આ પણ વાંચો : પુષ્પા-ટુ પહેલા દિવસે ભારતમાં 70થી 80 કરોડ કમાયાનો અંદાજ

'પુષ્પા 2'નો મોટો ધમાકો

અલ્લુ અર્જુનની ફિલ્મને હિન્દીમાં મળેલી એડવાન્સ બુકિંગના આંકડા પરથી સ્પષ્ટ થાય છે, કે, તે હિન્દી ફિલ્મોના ટોચના ઓપનિંગ રેકોર્ડને મજબૂત પડકાર આપવા જઈ રહી છે. પરંતુ આ માસ એન્ટરટેઈનરને હિન્દી દર્શકો તરફથી જે પ્રેમ મળ્યો છે, તેમાં  'પુષ્પા 2'ને ઐતિહાસિક ફિલ્મ બનાવી દીધી છે.

ગુરુવારના રોજ સિનેમાઘરોમાં રિલીઝ થઈ હતી અને બિહાર, ગુજરાત, પશ્ચિમ બંગાળ, ઉત્તર પ્રદેશ જેવા મજબૂત હિન્દી ફિલ્મ બજારોમાં, ફિલ્મના શોએ એવી ભીડ આકર્ષી હતી જે ઘણા બૉલીવુડ સ્ટાર્સ પણ મેળવી શક્યા નથી. ટ્રેડ રિપોર્ટ્સના પ્રારંભિક અંદાજ મુજબ 'પુષ્પા 2'ના હિન્દી વર્ઝને પહેલા દિવસે 66 થી 68 કરોડ સુધીમાં કલેક્શન કર્યું છે. જ્યારે અંતિમ આંકડા જાહેર થશે, ત્યારે ફિલ્મનું હિન્દી કલેક્શન પણ 70 કરોડ રૂપિયાના આંકડો પાર કરી દે તેવી આશંકા રહેલી છે.

અલ્લુ અર્જુને હિન્દીમાં રેકોર્ડ બનાવ્યો

હિન્દીમાં અત્યાર સુધીના સૌથી મોટા ઓપનિંગ કલેક્શનનો રેકોર્ડ ગયા વર્ષે રિલીઝ થયેલી શાહરૂખ ખાનની બ્લોકબસ્ટર 'જવાન' ના નામે હતો. કિંગ ખાનની આ સમગ્ર ભારતમાં ફિલ્મે હિન્દીમાં 65.5 કરોડ રૂપિયાનું કલેક્શન કર્યું હતું. પરંતુ 'પુષ્પા 2'ની કમાણીનો અંદાજ દર્શાવે છે કે, અલ્લુ અર્જુને શાહરૂખનો રેકોર્ડ તોડી નાખ્યો છે. સૌથી વધુ ઓપનિંગ કલેક્શન સાથે ટોચની હિન્દી ફિલ્મો નીચે મુજબ છે:

ફિલ્મનું નામ      ફર્સ્ટ ડે નેટ હિન્દી કલેક્શન

1. પુષ્પા 2: ધ રુલ 68 કરોડ+ (અંદાજે)

2. જવાન         65.5 કરોડ

3. સ્ત્રી 2         55.40 કરોડ

4. પઠાણ         55 કરોડ

5. એનિમલ 54.75 કરોડ

2017 માં પ્રભાસ 'બાહુબલી 2' સાથે હિન્દીમાં 41 કરોડ રૂપિયાની ઓપનિંગ સાથે સૌથી મોટી ઓપનિંગ સાથે સાઉથ સ્ટાર બન્યો. 2022 માં જ્યારે 'KGF 2' ને હિન્દીમાં 54 કરોડ રૂપિયાની ઓપનિંગ મળી ત્યારે આ રેકોર્ડ રોકિંગ સ્ટાર યશના નામે થઈ ગયો.

આ પણ વાંચો : શોભિતા અને નાગા ચૈતન્યનાં લગ્ન ધૂમધામથી સંપન્ન

હવે 'પુષ્પા 2' સાથે અલ્લુ અર્જુન દક્ષિણનો એવો સ્ટાર બની ગયો છે, જેણે હિન્દીમાં સૌથી મોટી ઓપનિંગ મેળવી છે. હવે એ જોવાનું રસપ્રદ રહેશે કે કઈ હિન્દી ફિલ્મ 'પુષ્પા 2'નો હિન્દીમાં ટોપ ઓપનિંગનો રેકોર્ડ તોડી શકે છે.