પુષ્પા ટૂને રીલિઝ પહેલાં જ 1085 કરોડની કમાણી થઈ ગઈ

- ફિલ્મ આગામી ડિસેમ્બરમાં રીલિઝ થવાની છે

- થિયેટર રીલિઝના રાઈટ્સ 640 કરોડમાં અને ઓટીટીના રાઈટ્સ 275 કરોડમાં વેચાયા

મુંબઇ : 'પુષ્પા ટૂ' આગામી ડિસેમ્બરમાં રીલિઝ થવાની છે. પરંતુ, તે પહેલાં જ આ ફિલ્મે ૧૦૭૫ કરોડની કમાણી કરી લીધી હોવાનો દાવો થઈ રહ્યો છે.

દાવા અનુસાર ફિલ્મના થિયેટર રીલિઝના રાઈટ્સ ૬૪૦ કરોડમાં વેચાયા છે. ઓટીટી રાઈટ્સ ૨૭૫ કરોડમાં વેચાયા છે.  આ ઉપરાંત આ ફિલ્મના મ્યુઝિકલ રાઇટસ ૬૫ કરોડ રૂપિયામાં અને સેટેલાઇટ રાઇટસ ૮૫ કરોડ રૂપિયામાં વેંચવામાં આવ્યા છે. 

આ ફિલ્મ મૂળ ગત ઓગસ્ટમાં રીલિઝ થવાની હતી. પરંતુ વારંવાર ફેરફારો અને છેલ્લી ઘડીના અપડેટના કારણે ફિલ્મની રીલિઝ પાછી ઠેલાઈ હતી.  ફિલ્મમાં અલ્લુ અર્જુન અને રશ્મિકા મંદાના સાથે ફહાદ ફાસિલ પણ છે. તાજેતરના અહેવાલો અનુસાર શ્રદ્ધા કપૂર ફિલ્મમાં આઈટમ સોંગ કરવાની છે.