કલ્કિ 2898 એડીની સીકવલની તૈયારી શરુ

- આગામી જાન્યુ સુધીમાં શૂટિંગ શરુ થશે

- બીજા ભાગમાં કમલ હાસનની ભૂમિકા વધારે મહત્વની હશે તેવી અટકળ

મુંબઇ : પ્રભાસ તથા દીપિકા પાદુકોણની 'કલ્કિ ૨૮૯૮ એડી'ની સીકવલનું શૂટિંગ શરુ કરવા માટે પ્રોડક્શન હાઉસ દ્વારા તૈયારીઓ શરુ કરી  દેવામાં આવી છે. મોટાભાગે આગામી જાન્યુઆરી સુધીમાં તેનું શૂટિંગ શરુ થઈ જશે. ફિલ્મની ટીમ દ્વારા જ આ શિડયૂલ કન્ફર્મ કરાયું છે. બીજા ભાગમાં કોની કેટલી ભૂમિકા હશે તે વિશે અટકળો ચાલે છે. ફિલ્મની કાસ્ટમાં કોઈ ફેરફાર થાય છે કે કેમ તેના પર ચાહકોની નજર છે.  એવું મનાય છે કે બીજા ભાગમાં કમલ હાસનની ભૂમિકા વધારે મહત્વની હશે. 

બીજા ભાગના શૂટિંગમાં આશરે ત્રણ વર્ષનો સમય લાગશે તેમ મનાય છે. 

ઉલ્લેખનીય છે કે, 'કલ્કિ ૨૮૯૮ એડી' ફિલ્મે બોક્સઓફિસ પર ટંકશાળ પાડી હતી. આ ફિલ્મે ફક્ત ભારતમાં જ ૭૦૦ કરોડ રૂપિયાથી વધુ વ્યવસાય કર્યો હતો. આ ફિલ્મમાં પ્રભાસ, દીપિકા પદુકોણ, અમિતાભ બચ્ચને મુખ્ય ભૂમિકાઓ ભજવી હતી.