'પૂનમ પાંડે જીવે છે... એન્જોય કરી રહી છે...' ફિલ્મ ક્રિટિકનો દાવો સાચો ઠર્યો, જુઓ VIDEO

Image Source: Facebook

મુંબઈ, તા. 03 ફેબ્રુઆરી 2024 શનિવાર

પૂનમ પાંડેના મોત અંગે અનેક ચર્ચાઓ બાદ પૂર્ણવિરામ મૂકાઈ ગયું છે. તે જીવીત છે અને તેણે ઈન્સ્ટાગ્રામ પર લાઈવ આવીને આ વાતની જાણકારી આપી હતી. ઉલ્લેખનીય છે કે આ પહેલાં એક  ફેશન અને ફિલ્મ ક્રિટિક ઉમૈર સંધુએ મોટો દાવો કરી દીધો હતો. તેમનું કહેવુ હતું કે પૂનમ પાંડે જીવીત છે અને આ બસ એક પબ્લિસિટી સ્ટંટ છે. 

ઉમૈર સંધુએ એક્સ પર પોસ્ટ કરી હતી 

ફેશન અને ફિલ્મ ક્રિટિક ઉમૈર સંધુએ પોતાના એક્સ પર એક પોસ્ટ કરીને સૌને ચોંકાવી દીધા હતા. ઉમૈરે એક્સ પર પોસ્ટ કરતા લખ્યુ કે મે પૂનમની કઝીન સાથે વાત કરી છે અને તે જીવિત છે તેમજ પોતાના મૃત્યુના સમાચારોને એન્જોય કરી રહી છે. આ પૂનમનો પબ્લિસિટી સ્ટંટ છે. ઉમૈરની આ પોસ્ટ સામે આવી તો સોશિયલ મીડિયા પર હોબાળો મચી ગયો હતો. તમામ લોકો અસમંજસમાં પડી ગયા હતા કે આખરે શું ચાલી રહ્યુ છે.