એક સારાનાં ડેટિંગનું પેપર બીજી સારાએ ફોડી નાખ્યું

- સારા તેંડુલકર-શુભમનનું ડેટિંગ ફરી કન્ફર્મ 

- શુભમન ગિલ સાથે ડેટિંગ વિશે પૂછાતાં સારા અલીએ કહ્યું, એ સારા હું નથી

મુંબઇ : સારા તેંડુલકર અને શુભમન ગિલ વચ્ચે ડેટિંગ ચાલતું હોવાનું લાંબા સમયથી ચર્ચાય છે પરંતુ હવે સારા અલી ખાને બંનેનાં ડેટિંગને લગભગ કન્ફર્મ કરી દીધું છે. 

થોડા સમય પહેલાં શુભમન ગિલનું નામ સારા અલી ખાન સાથે પણ જોડાયું હતું. કરણ જોહરના ચેટ શોના પ્રોમોમાં સ્પષ્ટ થયું છે તેમ આ વિશે સારાને પૂછાતાં તેણે કહ્યું હતું કે 'સારા કા સારા દુનિયા ગલત સારા કે પીછી પડા હૈ, વો સારા મૈ નહીં કોઈ ઔર હૈ'

ઉલ્લેખનીય છે કે થોડા સમય પહેલાં એવી ચર્ચા થઈ હતી કે સારા તેંડુલકર સાથે બ્રેક અપ બાદ શુભમન સારા અલી ખાનને ડેટ કરી રહ્યો છે. જોકે, એ પછી કેટલીય ઈવેન્ટસમાં સારા અને શુભમનની સંતાકૂકડી મીડિયાની નજર સામે આવી ગઈ છે. 

તાજેતરમાં એક ઈવેન્ટમાં સચિનની દીકરી અને શુભમન સાથે સાથે બહાર નીકળતાં હતાં પરંતુ મીડિયા કેમેરાને જોતાં જ તેઓ બંને અલગ દિશામાં ચાલવા લાગ્યાં હતાં. જોકે, આ ચેષ્ટા કેમેરામાં કેદ થઈ ગઈ હતી. 

હજુ સુધી સારા તેંડુલકર કે શુભમન ગિલે તેમના ડેટિંગની અફવાઓ વિશે કોઈ સ્પષ્ટતા કરી નથી.