'પટિયાલા પેગ' ગીત ન ગાતો, બાળકને સ્ટેજ પર ન બોલાવતા... દિલજીતના કોન્સર્ટ પર તેલંગાણા સરકારનું ફરમાન

Image: Facebook

Diljit Dosanjh: ફેમસ પંજાબી સિંગર દિલજીત દોસાંજ ફરીથી ચર્ચામાં છે. તેના લાઈવ શો અને તેને લઈને ચાલુ વિવાદને જોતાં તેલંગાણા સરકાર એલર્ટ પર છે. સિંગરનો 15 નવેમ્બરે હૈદરાબાદમાં કોન્સર્ટ થવાનો છે. તેને લઈને તેલંગાણા સરકાર તરફથી ઈવેન્ટના ઓર્ગેનાઈઝર્સને નોટિસ મોકલવામાં આવી છે. 

દિલજીતને મોકલવામાં આવી નોટિસ

નોટિસ અનુસાર આરોગ્યને ધ્યાનમાં રાખતાં બાળકોને સ્ટેજ પર બોલાવવાથી રોકવામાં આવ્યા છે. જેથી તેમને હાઈ સાઉન્ડ લેવલથી બચાવી શકાય જે WHO ની ગાઈડલાઈનથી આદેશાનુસાર બાળકો માટે સેફ નથી. આ આદેશોનો હેતું બાળકોના લાઈવ શો દરમિયાન લાઉડ મ્યૂઝિક અને ફ્લેશ લાઈટથી બચાવવાનો છે. આ સિવાય દિલજીતને સ્ટેજ પર એવા ગીતને ગાવાની મનાઈ છે જે દારૂ, ડ્રગ્સ, વાયલન્સને પ્રમોટ કરે છે.

WHOની ગાઈડલાઈન અનુસાર એડલ્ટને 140 ડીબીથી વધુ સાઉન્ડ પ્રેશરના સંપર્કમાં આવવું જોઈએ નહીં. બાળકો માટે આ લેવલ 120 ડીબી સુધી ઓછું થઈ જાય છે. તેથી બાળકોને લાઈવ શો દરમિયાન સ્ટેજ પર લઈ જવા જોઈએ નહીં કેમ કે સ્ટેજ પર સાઉન્ડ લેવલ 120 ડીબીથી વધુ હોય છે. નોટિસમાં દિલજીતે જૂના કોન્સર્ટના વીડિયોના પુરાવા રજૂ કર્યાં છે જ્યાં દારૂ, ડ્રગ્સને પ્રમોટ કરતાં ગીત ગાવામાં આવ્યા. જેમ કે સોન્ગ પટિયાલા પેગ, પંજ તારા... દિલજીતે દિલ્હીના જવાહરલાલ સ્ટેડિયમમાં થયેલા દિલ-લુમનાતી કોન્સર્ટમાં ગાયેલા છે.

આ પણ વાંચો: જાણીતો અભિનેતા પૌરાણિક ફિલ્મમાં ભગવાન પરશુરામની ભૂમિકા ભજવશે, ફેન્સની ઉત્સુકતા વધી

દિલ્હીના સ્ટેડિયમમાં ફેલાવી હતી ગંદકી

છેલ્લા ઘણા મહિનાથી દિલજીતના કોન્સર્ટને લઈને વિવાદ ગરમાયો છે. દિલ્હીના જવાહરલાલ નેહરુ સ્ટેડિયમમાં 26-27 ઓક્ટોબરે દિલજીતનો લાઈવ શો થયો હતો પરંતુ ઈવેન્ટ ખતમ થયા બાદ સ્ટેડિયમમાં ફેલાયેલી ગંદકીએ સૌને ચોંકાવી દીધા હતા. ત્યાં કચરાનો ઢગલો હતો. દારૂ-પાણીની બોટલો આમતેમ ફેંકેલી હતી. રનિંગ ટ્રેક પર સડેલું ભોજન પડેલું મળ્યું હતું, ખુરશીઓ તૂટેલી હતી. ગંદકીના કારણે ખેલાડીઓએ પોતાની પ્રેક્ટિસ છોડવી પડી હતી. આ ગંદકીના વીડિયો સોશિયલ મીડિયા પર ખૂબ ચર્ચાનું સ્થાન બન્યા હતા. સિંગર અને તેમની ટીમને મિસમેનેજમેન્ટ માટે કોલ આઉટ કરવામાં આવ્યા હતા. દિલજીતના આ કોન્સર્ટમાં હજારોની સંખ્યામાં લોકો એકઠા થયા હતા. 

દિલજીત ઈન્ટરનેશનલ સ્ટાર છે. તે દરેક જગ્યાએ છવાયેલો છે. પંજાબી ઈન્ડસ્ટ્રી બાદ હિંદી સિનેમામાં તેનો દબદબો વધી રહ્યો છે. ઘણા બોલિવૂડ મૂવીમાં તે નજર આવી રહ્યો છે. તેની છેલ્લી રિલીઝ ફિલ્મ અમર સિંહ ચમકીલા હતી. એક્ટિંગ સિવાય તે પોતાના ગીતો અને લાઈવ શો દ્વારા તે ચાહકોની વચ્ચે ટ્રેન્ડિંગ ટોપિક બની રહે છે. સિંગરના લાઈવ શો માં ઓડિયન્સ ક્રેઝી રહે છે. તેની એક ઝલક મેળવવા માટે લોકો આતુર રહે છે.