સોનાક્ષી-ઝહીરના લગ્ન સાથે લવ જેહાદનો મુદ્દો ઉછળ્યો, પોસ્ટર લગાવી કહ્યું- બિહારમાં ઘૂસવા નહીં દઈએ

Sonakshi Sinha And Zaheer Iqbal Wedding News: બિહારી બાબૂના નામથી લોકપ્રિય શત્રુધ્ન સિંહાની પુત્રી અને અભિનેત્રી સોનાક્ષી સિંહાએ અભિનેતા ઝહીર ઈકબાલ સાથે લગ્ન કર્યા બાદ બિહારની હિન્દુ શિવ ભવાની સેનાએ રોષ વ્યક્ત કર્યો છે. હિન્દુ શિવ ભવાની સેનાએ પટનામાં પોસ્ટ લગાવી બંનેના લગ્નને લવ જેહાદ ગણાવ્યો છે. સોનાક્ષીને બિહારમાં પ્રવેશવા દેશે નહીં, તેવી ધમકી પણ આપી છે. 

પટનામાં લગાવેલા પોસ્ટરમાં શત્રુધ્ન સિંહા, સોનાક્ષી સિંહા અને ઝહીર ઈકબાલનો ફોટો છએ. જેમાં લખ્યું છે કે ,સોનાક્ષી સિંહા, અને ઝહીર ઈકબાલના લગ્ન લવ જેહાદને પ્રોત્સાહન આપે છે. સમગ્ર દેશમાં ઈસ્લામીકરણ કરવાનો પ્રયાસ, શત્રુધ્ન સિંહાજી લગ્નના નિર્ણય પર પુનઃ વિચાર નહીં કરે તો તેમના પુત્ર લવ અને કુશ અને ઘરનું નામ રામાયણ તુરંત બદલી દે, તેનાથી હિન્દુ ધર્મનું અપમાન થઈ રહ્યું છે. સોનાક્ષી સિંહાને હિન્દુ શિવ ભવાની સેના બિહારમાં પ્રવેશવા દેશે નહીં.

ગઈકાલે બંને લગ્નના તાંતણે બંધાયા

ગઈકાલે રવિવારે ઝહીર ઈકબાલ અને સોનાક્ષી સિંહા પરિવારજનો અને અંગત મિત્રોની હાજરીમાં લગ્નના તાંતણે બંધાયા છે. સોનાક્ષી (ઉ.વ. 37) અને ઝહીર (ઉ.વ..35)એ પોતાના પરિવારજનોની ઉપસ્થિતિમાં બાંદ્રા સ્થિત એપાર્ટમેન્ટમાં સિવિલ મેરેજ કર્યા હતા. નવદંપત્તિએ સોશિયલ મીડિયા ઈન્સ્ટાગ્રામ પર પોસ્ટ મારફત લગ્નની જાહેરાત કરી હતી. જેમાં કેપ્શમાં લખ્યું હતું કે, આજથી સાત વર્ષ પહેલાં 23.06.2017માં અમે બંનેએ એકબીજાની આંખોમાં પ્રેમનું એવું સુંદર સ્વરૂપ જોયુ હતું, અને બસ ત્યારથી નક્કી કર્યું કે, સાથે રહીશું. આ પ્રેમએ અનેક અડચણો પાર કરી છે અને આજે અમે બંને આ ક્ષણ સુધી પહોંચી શક્યા છીએ. અમારા બંનેના પરિવાર અને ઈશ્વરના આશીર્વાદથી અમે અહીં સુધી આવ્યા છીએ. હવે અમે પતિ-પત્નિ બની ચૂક્યા છે.

સોનાક્ષીના લગ્નમાં નેટફ્લિક્સ હિરામંડીમાં ફેમસ થયેલી કો-એક્ટર અદિતી રાવ હૈદરી પોતાના મંગેતર સિદ્ધાર્થ સાથે સમારોહમાં સામેલ થઈ હતી. હુમા કુરૈશીએ પણ હાજરી આપી હતી.