No Entry 2માં અર્જુન કપૂર, દિલજીત દોસાંઝ, વરુણ ધવન બાદ વધુ ત્રણ નવા કલાકારોની એન્ટ્રી!

બોલીવૂડમાં રસ ધરાવનાર કોઈક જ એવો દર્શક હશે જેને નો એન્ટ્રી મૂવી, તેની કેમેસ્ટ્રી અને કોમેડી વિશે ખ્યાલ ન હોય. ફિલ્મ રસિકો માટે એક સારા સમાચાર છે કે આ મૂવીની સિક્વલ નો એન્ટ્રી 2 આવી રહી છે. સલમાન ખાનની જૂની ફિલ્મ 'નો એન્ટ્રી'ની સિક્વલ બની રહી છે. અનીસ બઝમી તેનું નિર્દેશન કરી રહ્યા છે. ફિલ્મમાં વરુણ ધવન, અર્જુન કપૂર અને દિલજીત દોસાંઝ મુખ્ય ભૂમિકામાં જોવા મળશે. આ મૂવીને લઈને કેટલાક નવા અને મોટા અપડેટ્સ આવ્યા છે. ચાલો તેના વિશે જાણીએ...

'નો એન્ટ્રી 2'માં અનિલ કપૂર, સલમાન ખાન કે ફરદીન ખાન નહીં હોય. મૂવી ત્રણ નવા કલાકારો દિલજીત દોસાંઝ, વરુણ ધવન અને અર્જુન કપૂર સાથે બની રહી છે. અહેવાલ અનુસાર ફિલ્મમાં 10 હિરોઈન હશે. નો એન્ટ્રીની સિક્વલમાં નવી સ્ટાર કાસ્ટને કાસ્ટ કરવા અંગે બોની કપૂર અને અનિલ કપૂર વચ્ચે અણબનાવના અહેવાલો આવ્યા હતા. હવે અહેવાલ છે કે આ મૂવીની સ્ક્રિપ્ટમાં જ મોટાપાયે ફેરફાર કરવામાં આવ્યા છે.

ડબલ રોલ ફિલ્મ :

મીડિયા અહેવાલ અનુસાર આ ફિલ્મમાં દિલજીત દોસાંઝ, વરુણ ધવન અને અર્જુન કપૂર ડબલ રોલમાં હોઈ શકે છે. ડાયરેક્ટર અનીસ બઝમી ડિસેમ્બર 2024માં ફિલ્મનું શૂટિંગ શરૂ કરી શકે છે અને જૂન, 2025માં પૂરૂ થવાની શક્યતા છે.

ક્યારે રિલીઝ થશે ફિલ્મ ?

અગાઉ અહેવાલ હતા કે અનીસને આ ફિલ્મ માટે ઓન-બોર્ડ કરવામાં આવ્યો છે કારણકે તેણે પ્રથમ ફિલ્મનું ડાયરેક્શન પણ કર્યું હતુ તેથી આ ફ્રેન્ચાઈઝીને યોગ્ય દિશા આપી શકશે. ફિલ્મની સ્ક્રિપ્ટ લખાઈ ગઈ છે. દિલજીત, અર્જુન અને વરુણને પણ તે પસંદ આવી છે. આ ફિલ્મ 2025માં રિલીઝ કરવાની તેમની યોજના છે.

જોકે પહેલી નો એન્ટ્રીમાં સલમાન ખાન સિવાય ફરદીન ખાન, અનિલ કપૂર, એશા દેઓલ, લારા દત્તા અને બિપાશા બાસુ મુખ્ય ભૂમિકામાં હતા. તે વર્ષે આ મૂવી સૌથી વધુ કમાણી કરનારી ફિલ્મ હતી. હવે જોઈએ કે સિક્વલનું શું થાય છે. શું આ પણ બોક્સ ઓફિસ પર બમ્પર કમાણી કરશે કે અન્ય સિક્વલની જેમ નિષ્ફળ સાબિત થશે?