ટોઇલેટથી આવી ત્યારે પાછળથી પકડી અને...', જાણીતા અભિનેતા પર ગંભીર આરોપથી ફિલ્મ ઈન્ડસ્ટ્રીમાં હડકંપ

Minu Muneer Physical Abuse: મલયાલમ ફિલ્મ એક્ટર મીનુ મુનીરે સોમવારે સિનિયર એક્ટર્સ વિશે ચોંકાવનારો ખુલાસો કર્યો છે. અભિનેત્રીએ મુકેશ એમ અને જયસૂર્યા પર શારીરિક શોષણના આરોપો લગાવ્યા છે. તેણે ફેસબુક પર પોસ્ટ કરીને દાવો કર્યો હતો કે મુકેશ, મણિયનપિલા રાજુ, ઇદવેલા બાબુ અને જયસૂર્યાએ તેનું શારીરિક અને મૌખિક શોષણ કર્યું હતું.

ફેસબુક પોસ્ટ દ્વારા અભિનેત્રીનો ખુલાસો

અભિનેત્રીએ લખ્યું- 'મારું શારીરિક અને મોખિક શોષણ થયું છે. વર્ષ 2013માં એક પ્રોજેક્ટ પર કામ કરતી વખતે મારું શારીરિક અને શાબ્દિક શોષણ કરવામાં આવ્યું હતું. મેં કૉઓપરેટ થઈને કામ કરવાનો પ્રયાસ કર્યો, પરંતુ ત્યાર બાદ પણ દુર્વ્યવહાર અસહ્ય થઈ ગયો હતો.

આખરે મારે મલયાલમ ફિલ્મ ઈન્ડસ્ટ્રી અને ચેન્નાઈ છોડવા મજબૂર થવું પડ્યુ હતુ. મેં આ દુર્વ્યવહાર મુદ્દે એક અખબારના માધ્યમથી અવાજ ઉઠાવ્યો હતો. હવે મેં જે આઘાત અને પીડા સહન કરી છે તેના માટે ન્યાય અને જવાબદારીની માંગણી કરી રહી છું. હું તેમના જધન્ય કૃત્યો સામે પગલાં લેવા માટે તમારી મદદ માટે વિનંતી કરું છું.""

અભિનેત્રીએ મીડિયાને સંભળાવી તેની આપવીતી

મીડિયા સાથે વાત કરતાં અભિનેત્રીએ પોતાની આપવીતી સંભળાવતા કહ્યું કે, 'ફિલ્મના શૂટિંગ દરમિયાન મને ખરાબ અનુભવ થયો હતો. હું ટોઇલેટ જઈને પરત આવી રહી હતી ત્યારે જયસૂર્યાએ મને પાછળથી પકડી લીધી અને મારી સંમતિ વિના મને કિસ કરી હતી. હું ચોંકી ગઈ અને અચાનક આવા વર્તનથી હું આઘાતમાં સરી પડી હતી. મીનુનો દાવો છે કે, એક્ટરે તેને કહ્યું કે, જો તે અભિનેતા સાથે રહેશે, તો તેમણે કામની ઓફર કરી હતી.

મલયાલમ ઈન્ડસ્ટ્રીમાં ઘણું શોષણ થઈ રહ્યું છે:  મીનુ મુનીર

મલયાલમ ઈન્ડસ્ટ્રી વિશે વાત કરતાં તેણે કહ્યું- 'મલયાલમ ઈન્ડસ્ટ્રીમાં ઘણું શોષણ થઈ રહ્યું છે. હું તેની સાક્ષી અને પીડિત છું. જ્યારે હું ચેન્નાઈ મુવ થઈ ત્યારે કોઈએ મારો સંપર્ક નથી કર્યો અને શું થયુ તે પૂછ્યુ પણ નહીં.

તમને જણાવી દઈએ કે, અભિનેત્રી રેવતી સંપતે પણ અભિનેતા સિદ્દીકી પર ગંભીર આરોપ લગાવ્યા છે. રેવતીએ સિદ્દીકી પર જાતીય સતામણીનો આરોપ લગાવ્યો છે.