સાઉથના સુપરસ્ટાર મહેશ બાબુ પરિવાર સાથે દુબઇમાં નવા વર્ષની કરશે ઉજવણી

નવી મુંબઇ,તા. 30 ડિસેમ્બર 2023, શનિવાર

નવુ વર્ષ આવવામાં માત્ર 1 દિવસ બાકી છે, ત્યારે લોકો ફરવા માટે અલગ અલગ જગ્યાઓ પર જઇ રહ્યાં છે. 31ની ઉજવણી માટે લોકોની ખાસ પસંદ શિમલા મનાવી, રાજસ્થાન, ગોવા ,દિવ દમણ છે. પરંતૂ જો વાત ફિલ્મ સ્ટાર્સની કરવામાં આવે તો બોલિવૂડથી લઈને સાઉથ સુધીના ઘણા સેલેબ્સ પણ નવા વર્ષની ઉજવણી કરવા પરિવાર અને મિત્રો સાથે દેશની બહાર ફરવાનો પ્લાન બનાવી રહ્યાં છે. આ યાદીમાં સાઉથના સુપરસ્ટાર મહેશ બાબુનો પણ સમાવેશ કરવામાં આવ્યો છે. હા એક્ટર અભિનેતા પત્ની નમ્રતા શિરોડકર અને બાળકો ગૌતમ અને સિતારા સાથે હૈદરાબાદ એરપોર્ટ પર જોવા મળ્યા હતા.

આ એક્ટરને લઇને માહિતી મળી રહી છેકે,  મહેશ બાબુ નવા વર્ષની ઉજવણી કરવા પરિવાર સાથે દુબઈ જઇ રહ્યાં છે.  પત્ની નમ્રતા શિરોડકર આ ટ્રિપ વિશે ખૂબ જ ઉત્સાહિત દેખાતી હતી અને તેણે તેના ઇન્સ્ટાગ્રામ સ્ટોરીઝ પર તેના ફેમિલી વેકેશનના ફોટો શેર કર્યા છે.  અભિનેત્રીએ એરપોર્ટની અંદર પતિ મહેશ બાબુ અને બાળકો ગૌતમ અને સિતારા સાથે પોતાની એક તસવીર પોસ્ટ કરી અને કેપ્શનમાં લખ્યું, "ચાલો નવું વર્ષ લઇને આવીએ."

આ મુજબ મહેશ બાબુ દુબઈમાં એક એડમાં કામ કરશે.આ સાથે અભિનેતા દુબઈમાં તેના પરિવાર સાથે ક્વોલિટી ટાઈમ પણ વિતાવશે અને નવા વર્ષની ઉજવણી પણ કરશે.

એરપોર્ટ લુકની વાત કરીએ તો, નમ્રતા શિરોડકર સફેદ ટી-શર્ટ અને ગુલાબી બ્લેઝર સાથે મેચિંગ ટ્રાઉઝરમાં સ્ટાઇલિશ લાગી રહી હતી.  જ્યારે કપલના બાળકો સિતારા અને ગૌતમ સામાન્ય આઉટફિટમાં જોવા મળ્યા હતા. તસવીરમાં આખો પરિવાર ખૂશ દેખાઇ રહ્યો હતો.. 

મહેશ બાબુની આગામી ફિલ્મો

વર્ક ફ્રન્ટની વાત કરીએ તો, મહેશ બાબુની આગામી ફિલ્મ ટૂંક સમયમાં સુપરસ્ટાર શ્રીલીલા અને મીનાક્ષી ચૌધરી સાથે ગુંટુર કરમમાં મુખ્ય ભૂમિકામાં જોવા મળશે. ત્રિવિક્રમ શ્રીનિવાસ આ ફિલ્મનું નિર્દેશન કરી રહ્યા છે, જો અથાડુ અને ખલીજા પછી અભિનેતા સાથેનો તેમનો ત્રીજો પ્રોજેક્ટ છે. આ ફિલ્મ 12 જાન્યુઆરી 2024ના રોજ સિનેમાઘરોમાં રિલીઝ થશે.