લતા મંગેશકર : લતાજીના હિટ ગુજરાતી ગીતો

લતાજીના હિટ ગુજરાતી ગીતો 

એક અહેવાલ મુજબ લતા પાસે સૌથી પહેલાં ગુજરાતી ગીત સંગીતકાર પુરુષોત્તમ ઉપાધ્યાયે ગવડાવ્યું હતું. પહેલું ગીત જિતુભાઇ મહેતા રચિત અમથી અમથી મૂઇ ઓલી માંડવાની જૂઇ હતું. એ રેકર્ડની બીજી બાજુ ભક્ત-કવિ દયારામનું ગીત હાં રે સખી નહીં બોલું નહીં બોલું નહીં બોલું રે હતું. આ રેકર્ડ ધૂમ વેચાઇ હતી.

૧૯૬૦થી ૨૦૦૪ સુધીમાં લતાએ આશરે સાઠ-સિત્તેર ગુજરાતી ગીતો ગાયાં હતાં. એમાંના મોટા ભાગનાં ગુજરાતી ગીતો હિટ થયાં હતાં. એવાં થોડાં ગીતોની ઝલક અત્રે પ્રસ્તુત છે. 

ફિલ્મ મહેંદી રંગ લાગ્યો. ૧૯૬૦ સંગીતકાર અવિનાશ વ્યાસ- આ ફિલ્મનાં મોટા ભાગનાં ગીતો લતાએ ગાયાં છે. મુહમ્મદ રફી સાથે નયન ચકચૂર છે, મન આતુર છે... ઉપરાંત મન્નાડે સાથે ટાઇટલ ગીત મહેંદી તે વાવી માળવે..., ઘુંઘટે ઢાંક્યું રે એક કોડિયું.., હું હરતી ફરતી રસ્તે રઝળતી વાર્તા.., મહેન્દ્ર કપૂર સાથે પાંદડું લીલું ને રંગ રાતો,,. ફરી ટાઇટલ ગીત આ વખતે પિનાકિન શાહ સાથે.

• ચૂંદડી ને ચોખા ૧૯૬૧ સંગીત અવિનાશ વ્યાસ. લાલ લાલ લાલ લાલ રે માની ચૂંદડીનો રંગ..., અને કોઇ ગોતી  દેજો મારા રામ...
• ઘરદીવડી ૧૯૬૧ સંગીત અવિનાશ વ્યાસ. મહેન્દ્ર કપૂર સાથે જા જા રે જા, નહીં ખોલું ઘુંઘટ.. નીંદરડી રે આવ દોડી દોડી... અને ક્યાંથી લાવું દોરો અને ક્યાંથી લાવું સોય...
• સત્યવાન સાવિત્રી ૧૯૬૩ સંગીત દિલીપ ધોળકિયા. રંગબેરંગી ચૂંદડીમાં ગોરી ઘેલી થાય..., નયણે નિરાયો ન કદી...,  મુહમ્મદ રફી સાથે ઓ નાહોલિયા રે નેણ પરોવી..., ફરી રફી સાથે આવી રસીલી ચાંદની વનવગડો રેલવાતી..., ઓ રાત દોડે કાં બાવરી...અને એમ તો જવાય ના (ભાગ એક અને બે).
• ફિલ્મ અખંડ સૌભાગ્યવતી ૧૯૬૪ સંગીત કલ્યાણજી આણંદજી. મારા તે ચિત્તનો ચોર રે મારો સાંવરિયો.., ટાઇટલ ગીત તને સાચવે પારવતી અખંડ સૌભાગ્યવતી.. અને સળગે છે સોહાગ સજનવા...
• કસુંબીનો રંગ ૧૯૬૫ સંગીત કલ્યાણજી આણંદજી. કુંજલડી રે સંદેશો અમારો હે જઇને વીરાજીને... અને હંસલા હાલો રે હવે મોતીડા નહીં રે મળે...
• મેના ગુર્જરી ૧૯૭૫ સંગીત દિલીપ ધોળકિયા. સંગીતકાર દિલીપ ધોળકિયા સાથે અરધી રાતલડીએ મને જગાડી...
• વેરનો વારસ ૧૯૭૬ સંગીત અવિનાશ વ્યાસ. આવનારું આવે ક્યાંથી...
• જયશ્રી યમુના મહારાણી ૧૯૭૭ સંગીત ચિત્રગુપ્ત.  યમુનાષ્ટક ભાગ એક અને બે.
• જનમ જનમના સાથી ૧૯૭૭  સંગીત બપ્પી લાહિરી.  જોઇ જોઇ થાકી દિશાઓ, સાથી મારું મન છે ઉદાસ...
• કુળવધૂ ૧૯૭૭ સંગીત કલ્યાણજી આણંદજી. મને ઘેલી ઘેલી જોઇ મને પૂછશે જો કોઇ... અને તારે તે ભરોસે ભવ મૂક્યો મારો...
• મોટા ઘરની વહુ ૧૯૭૮ સંગીત અવિનાશ વ્યાસ.  કાનુડા તારી ગોવાલણ...
• નારી તું નારાયણી ૧૯૭૮ સંગીત અવિનાશ વ્યાસ. આયો રે આયો રે 
• આયો રે...
• લાલવાદી ફૂલવાદી ૧૯૭૯ સંગીત અવિનાશ વ્યાસ. ધરી કંકુ કંકણ પાનેતર...
• પારકી થાપણ ૧૯૭૯ સંગીત ગૌરાંગ વ્યાસ. દીકરી તો પારકી થાપણ કહેવાય...
• જીવી રબારણ ૧૯૮૦ સંગીત અવિનાશ વ્યાસ. વ્હાલીડા મુને મેલજે ના હવે... અને ઓ અકળ જગતના જંતરનો...
• લોહીની સગાઇ ૧૯૮૦ સંગીત અવિનાશ વ્યાસ. કહી દો સૂરજને...
• નસીબદાર ૧૯૮૧ સંગીત ગૌરાંગ વ્યાસ. ઓધાજી રે મારા વ્હાલાને વઢી ને કહેજો...
• પંખીનો માળો ૧૯૮૧ સંગીત ગૌરાંગ વ્યાસ. ચાંદનીની ચાદર ઓઢી તું યે પોઢી જા...
• રાણો કુંવર ૧૯૮૧ સંગીત પુરુષોત્તમ ઉપાધ્યાય. દાદાને આંગણે આંબલો.
• આ ઉપરાંત હરીન્દ્ર દવેની રચના એક રજકણ સૂરજ થવાને શમણે પણ લતાના કંઠમાં છે અને લતાએ આ ગીતને પોતાની આગવી હલકથી યાદગાર બનાવ્યું છે.