Koffee With Karan: વિકિ કૌશલને આ નામોથી બોલાવે છે કૈટરિના કૈફ, નામ સાંભળીને હસી પડ્યા કરણ અને કિયારા

નવી મુંબઇ,તા. 4 ડિસેમ્બર 2023,સોમવાર 

ફિલ્મ નિર્માતા કરણ જોહરના લોકપ્રિય શો 'કોફી વિથ કરણ 8'ના નવા એપિસોડનો પ્રોમોમાં આ વખતે 'સેમ બહાદુર' એક્ટર વિકી કૌશલ અને અભિનેત્રી કિયારા અડવાણી જોવા મળી રહ્યાં છે. બંનેએ આ શોમાં પોતાની પ્રોફેશનલ લાઈફની સાથે સાથે પર્સનલ લાઈફ વિશે ઘણા રસપ્રદ ખુલાસા કર્યા હતા. 

કરણ જોહરના શોમાં વિકી કૌશલ ડેશિંગ લુકમાં જોવા મળ્યો હતો. કરણ જોહરે પોતાના ઈન્સ્ટાગ્રામ પર ર 'કોફી વિથ કરણ 8'નો લેટેસ્ટ પ્રોમો શેર કર્યો છે. શોમાં કિયારા અને વિકી ટ્વિનિંગ કપડામાં જોવા મળે છે. વિકી બ્લેક સૂટ અને કિયારા અડવાણી ઓફ શોલ્ડર ડ્રેસમાં જોવા મળી હતી. 

વિકી-કિયારાનો વીડિયો સોશિયલ મીડિયા પર વાયરલ

શો દરમિયાન, કિયારા અને વિકી કૌશલ પણ અભિનેત્રી કેટરિના કૈફના લોકપ્રિય ગીત 'ચિકની ચમેલી' પર ડાન્સ કરતા જોવા મળે છે. બંનેનો આ વીડિયો હાલ સોશિયલ મીડિયા પર વાયરલ થઈ રહ્યો છે. જેના પર બંનેના ફેન્સ ખૂબ લાઈક અને કોમેન્ટ કરી રહ્યા છે.

વર્ક ફ્રન્ટની વાત કરીએ તો, વિકી કૌશલની 'સામ બહાદુર' 1 ડિસેમ્બર, 2023ના રોજ સિનેમાઘરોમાં રિલીઝ થઈ છે. જે બોક્સ ઓફિસ પર ફિલ્મ 'એનિમલ'ને જોરદાર ટક્કર આપી રહી છે.