ભૂલભૂલૈયા થ્રીમાં કિયારા અડવાણીની પણ ભૂમિકા હશે

- કાર્તિક આર્યને વાત વાતમાં પેપર ફોડી નાખ્યું

- ભૂલભૂલૈયા ટૂમાં કિયારા મુખ્ય હિરોઈન હતી તેના પાત્રનું કન્ટિન્યુએશન હોવાની સંભાવના

મુંબઇ : અત્યાર સુધીમાં એમ મનાતું હતું કે 'ભૂલભૂલૈયા ટૂ'ની હિરોઈન કિયારા અડવાણીને પાર્ટ થ્રીમાંથી પડતી મૂકવામાં આવી છે. જોકે,  હવે કાર્તિક આર્યને અનાયાસે જ ઘટસ્ફોટ કર્યો છે કે કિયારા પાર્ટ થ્રીમાં પણ ભૂમિકા ભજવી રહી છે. 

કાર્તિકે એક સંવાદમાં  એમ કહ્યું હતું કે , 'અમે ભૂલ ભૂલૈયા ૩નું શૂટિંગ કિયારા સાથે કરી રહ્યા હતા'.આ પછી કાર્તિક બોલતાં બોલતાં ટકી ગયો હતો અને સોરી કહીને વધુમાં કહ્યુ ંહતું કે, મારો  કહેવાનો મતલબ વિદ્યા બાલન હતો. અમે વિદ્યા સાથે શૂટિંગ કરી રહ્યા હતા.કાર્તિકની આ ગફલત બાદ કિયારા પણ પાર્ટ થ્રીમાં જોવા મળશે અને પાર્ટ-ટૂના જ તેનાં પાત્રનું કન્ટિન્યુએશન કોઈ રીતે પાર્ટ થ્રીમાં હોઈ શકે છે તેવી અટકળો ચાલી રહી છે.

 જોકે, આ બાબતે હજુ સુધી કોઈ સત્તાવાર સમર્થન આવ્યું નથી. 

કાર્તિકે એમ પણ કહ્યું હતું કે આ ફિલ્મ માં બહુ બધાં સરપ્રાઈઝ છે અને અમારે ઘણું બધું છૂપાવવું પડી રહ્યું છે. 

 ફિલ્મની ટીમના દાવા અનુસાર ફિલ્મના બે ક્લાઈમેક્સ શૂટ કરવામાં આવ્યા છે અને વિદ્યા બાલન સિવાય કોઈ કલાકારને અસલી ક્લાઈમેક્સની જાણ નથી.