કાર્તિક આર્યનનો ફિલ્મ શક્તિમાન માટે સંપર્ક કરવામાં આવ્યો

- જોકે અભિનેતા આ રોલ માટે યોગ્ય ન હોવાનો સોશ્યલ મીડિયાના યુઝર્સોની ટીપ્પણી

મુંબઇ: મુકેશ ખન્નાએ પોતાની સીરિયલ શક્તિમાન પર ફિલ્મ બનાવવાની ઘોષણા બે વરસ પહેલા કરી હતી. આ ફિલ્મને સોની પિકચર્સ પ્રોડયુસ કરવાનું હતું અને આ પછી આ ફિલ્મમાં શક્તિમાનની ભૂમિકા રણવીર સિંહ ભજવશે તેવા સમચાર આવ્યા હતા. પરિણામે મુકેશ ખન્નાએ રણવીર સિંહ આ રોલ માટે યોગ્ય ન હોવાની ટીપ્પણી પણ કરી હતી. 

હવે આ ફિલ્મને લઇને અપડેટ છે કે, કાર્તિક આર્યનનો ફિલ્મ શક્તિમાન માટે સંપર્ક કરવામાં આવ્યો છેર્જોકે અભિનેતા તેમજ ફિલ્મની ટીમ તરફથી કોઇ સત્તાવાર માહિતી આપવામાં આવી નથી. 

એક રિપોર્ટના અનુસાર, કાર્તિકનો ફિલ્મ શક્તિમાન માટે એપ્રોચ કરવામાં આવ્યો છે. પરંતુ કાર્તિકઆર્યન પોતાના અન્ય પ્રોજેક્ટસોમાં વ્યસ્ત હોવાથી તે શક્તિમાનની ઓફર પર વિચાર કરી રહ્યો છે અને તેણે હજી સુધી નિર્ણય લીધો નથી.

જોકે રેડિટ પર શેર થયેલી આ પોસ્ટ પર સોશ્યલ મીડિયાના યુઝર્સો રિએકશન આપી રહ્યા છે. 

જેમાં મુદ્દે એક વાત જ આવે છે કે કાર્તિક  આ રોલ માટે યોગ્ય પસંદગી નથી, રણવીર સિંહ જ આ ભૂમિકા માટે પરફેક્ટ અભિનેતા છે.