'ભૂલ ભુલૈયા 3'નું ટીઝર થયું રિલીઝ, ત્રણ ગણી વધી મંજુલિકાની તાકાત, દિવાળી પર થશે ફિલ્મનો ધમાકો

Bhool Bhulaiyaa 3 Teaser Released : બોલીવુડના અભિનેતા કાર્તિક આર્યનની રાહ જોવાઈ રહેલી ફિલ્મ 'ભૂલ ભુલૈયા 3'નું ટીઝર રિલીઝ થઈ ગયું છે. ટીઝરમાં મંજુલિકાનું પાત્ર ભજવી રહેલી વિદ્યા બાલન અને રૂહ બાબાનું પાત્ર ભજવનાર કાર્તિક આર્યનની એક ઝલક જોઈ શકાય છે. જો કે નિર્માતાઓએ માધુરી દીક્ષિતના લુકને જાહેર કર્યો નથી. સોશિયલ મીડિયા પર ટીઝર શેર કરતી વખતે કાર્તિકે આર્યને લખ્યું કે, 'શું લાગ્યું તમને કે વાર્તા પૂરી થઈ ગઈ છે? રૂહ બાબા Vs મંજુલિકા…આ દિવાળીએ.' ચાલો જાણીએ કે લોકોને રૂહ બાબા અને મંજુલિકા વચ્ચેની આ લડાઈની પહેલી ઝલક કેવી લાગી.

'ભૂલ ભુલૈયા-3'નું ટીઝર લોકોને પસંદ આવી રહ્યું છે. સોશિયલ મીડિયા પ્લેટફોર્મ 'X' પર એક યુઝરે લખ્યું, 'ભૂલ ભુલૈયા-3'માં વિદ્યા બાલને શાનદાર એક્ટિંગ કરી છે. ટીઝરમાં તેનો એક નાનકડો સીન બતાવવામાં આવ્યો છે, પરંતુ તે રસપ્રદ છે. અમારી અસલ મંજુલિકા પાછી આવી ગઈ છે, તે પણ ત્રણ ગણી શક્તિ સાથે.' બીજા યુઝરે લખ્યું, 'આ એક ટીઝર છે, ફિલ્મ તો હજુ બાકી છે, મજા આવી ગઈ.' ત્રીજાએ લખ્યું, 'માધુરી દીક્ષિતના નામે આટલું સસ્પેન્સ, કૃપા કરીને મને એક ઝલક બતાવો.'

આ પણ વાંચોઃ માઈકલ જેક્સનને જોતાં જ હું તો બેભાન...' KBCમાં અમિતાભ બચ્ચને કર્યો શોકિંગ ખુલાસો

કાર્તિક આર્યનની હોરર કોમેડી 'ભૂલ ભુલૈયા-3' ફિલ્મ 1 નવેમ્બરના રોજ સિનેમાઘરોમાં રિલીઝ થશે. આ સિવાય રોહિત શેટ્ટી દ્વારા નિર્દેશિત ફિલ્મ 'સિંઘમ અગેન' પણ દિવાળીના અવસર પર સિનેમાઘરોમાં આવવાની છે. એટલે કે બંને ફિલ્મો વચ્ચે બોક્સ ઓફિસ પર જોરદાર ટક્કર જોવા મળી શકે છે.