કાંતારાનો હિરો ઋષભ શેટ્ટી પ્રશાંત વર્માની જય હનુમાનમાં

મુંબઈ : 'કાંતારા'નો હિરો ઋષભ શેટ્ટી 'હનુમાન'ના ડાયરેક્ટર પ્રશાંત વર્મા દ્વારા બનાવાઈ રહેલી આ ફિલ્મની સીકવલ 'જય હનુમાન'માં જોવા મળે તેવી ચર્ચા છે. સાઉથના બહુ જ વખણાયેલા એક્ટર અને  ડાયરેક્ટર બંને એક ફિલ્મ  માટે એકઠા થતાં બંનેના ચાહકો બહુ ખુશ થઈ ગયા છે. 

'ઋષભ'ની લો બજેટ ફિલ્મ 'કાંતારા' એ હિંદીમાં પણ ધૂમ મચાવી હતી અને ત્યારથી ભારતભરમાં તેનું નામ જાણીતું છે.

 બીજી તરફ પ્રશાંત વર્માની 'હનુમાન' સુપરહિટ થયા પછી બોલીવૂડના મોટા મોટા કલાકારો પણ તેની ફિલ્મમાં કામ કરવા માટે તલપાપડ છે. 

ઋષભ ખુદ હાલ 'કાંતારા'ની પ્રિકવલ બનાવવામાં વ્યસ્ત છે. તેને 'કાંતારા' માટે બેસ્ટ એક્ટરનો નેશનલ એવોર્ડ પણ મળી ચૂક્યો છે.

બીજી તરફ પ્રશાંત વર્માની 'હનુમાન' ૪૦ કરોડના બજેટમાં બની હતી પરંતુ ભારતભરમાં તેણે ૨૦૦ કરોડથી વધારેની કમાણી કરી હતી.