Kalki 2898 ADની શાનદાર સફળતા પર અમિતાભ બચ્ચન થયા ભાવુક, પોસ્ટ દ્વારા આપી પ્રતિક્રિયા

Kalki 2898 AD Actor Amitabh Bachchan: ફિલ્મ Kalki 2898 AD બોક્સ ઓફિસ પર ધૂમ મચાવી રહી છે. લોકો સોશિયલ મીડિયા પર ફિલ્મના વખાણ કરી રહ્યા છે અને જણાવી રહ્યા છે કે, આ ફિલ્મ પોતાના બજેટને પાર કરી જશે. ફિલ્મ Kalki 2898 ADની સફળતાથી અમિતાભ બચ્ચન ખૂશ છે જેમનું દમદાર પરફોર્મન્સ ચાહકોને ખૂબ પસંદ આવ્યું.

અમિતાભ બચ્ચને દર્શકો માટે બે ટ્વીટ કર્યા છે. આ ટ્વીટમાં અમિતાભ બચ્ચને આભાર વ્યક્ત કર્યો છે. સોશિયલ મીડિયા પર સતત અમિતાભ બચ્ચનના પરફોર્મન્સની પ્રસંશા થઈ રહી છે. 

અમિતાભ બચ્ચને આભાર વ્યક્ત કર્યો

અમિતાભ બચ્ચને પોતાના ઓફિશિયલ X હેન્ડલ પર ટ્વીટ કરીને ચાહકોનો આભાર માન્યો છે. તેમણે લખ્યું કે, જે લોકો મારી પ્રસંશા કરી રહ્યા છે તેમના પ્રત્યે મારી નમ્ર કૃતજ્ઞતા. આ સાથે જ અમિતાભ બચ્ચને હાથ જોડતું એક ઈમોજી પણ બનાવ્યું છે. બિગ બીની આ પોસ્ટ પર ચાહકો પ્રતિક્રિયા પણ આપી રહ્યા છે. 

અમિતાભ બચ્ચને પોતાના ઓફિશિયલ X હેન્ડલ પર બીજી પોસ્ટ પણ ચાહકોનો આભાર વ્યક્ત કરવા માટે કરી છે. તેમણે એક ફોટો શેર કર્યો છે જેમાં 'સાષ્ટાંગ નમસ્કાર' લખ્યું છે. તેના કેપ્શનમાં બીગ બી એ લખ્યું કે, 'ચરણ સ્પર્શ અને ષાષ્ટાંગ પ્રણામ'. 

ફિલ્મ Kalki 2898માં અમિતાભ બચ્ચને અશ્વત્થામાનો રોલ પ્લે કર્યો છે જે મહાભારત કાળ સાથે સબંધ રાખે છે. આ ફિલ્મમાં તમને અમિતાભ બચ્ચનનો એક્શન અવતાર પણ જોવા મળશે. ફિલ્મ Kalki 2898માં પ્રભાસ, દીપિકા પાદુકોણ, કમલ હાસન અને અમિતાભ બચ્ચન મહત્વપૂર્ણ રોલમાં છે. બીજા અલગ-અલગ રોલમાં અનેક સ્ટાર્સ છે. 

Kalki 2898 ADનું બોક્સ ઓફિસ કલેક્શન

નાગ અશ્વિન દ્વારા નિર્દેશિત ફિલ્મ Kalki 2898 AD એક મેગાબજેટ ફિલ્મ છે. મીડિયા અહેવાલ પ્રમાણે ફિલ્મ Kalkiનું બજેટ લગભગ 600 કરોડ રૂપિયા છે. ટ્રેડ વિશ્લેષક રમેશ બાલાએ ફિલ્મ Kalki 2898 ADનું 7 દિવસનું વર્લ્ડવાઈડ કલેક્શન 725 કરોડ રૂપિયા ગણાવ્યું છે. 

આ ટ્વીટ પ્રમાણે ફિલ્મે પોતાનું બજેટ કાઢી લીધુ છે પરંતુ આ ફિલ્મને મોટી સફળતા મેળવવા માટે લગભગ 1000 કરોડ રૂપિયાનું કલેક્શન કરવું પડશે. અહેવાલ પ્રમાણે આ ફિલ્મ થોડા જ દિવસોમાં હજાર કરોડ પાર કરી શકે છે. દીપિકા પાદુકોણ અને પ્રભાસની એકસાથે આ પહેલી ફિલ્મ ખૂબ જ સફળ રહી છે. બીજી તરફ અમિતાભ બચ્ચનની કારકિર્દીએ પણ એક અલગ વળાંક લીધો છે.