...તો જાણીતી અભિનેત્રીને પસંદ નથી કરવાચોથ', કહ્યું - ભૂખ્યાં કેમ રહીએ? DDLJ પર કહી આ વાત

Image Source: Instagram

Kajol On Karwa Chauth: બોલિવૂડ એક્ટ્રેસ કાજોલ હાલમાં પોતાની ફિલ્મ 'દો પત્તી'ના પ્રમોશનમાં વ્યસ્ત છે. હવે આ વચ્ચે અભિનેત્રીએ પોતાની આઈકોનિક ફિલ્મ 'દિલવાલે દુલ્હનિયા લે જાયેંગે' પર વાત કરી છે. કાજોલે શાહરૂખ ખાન સાથે ફિલ્મ 'દિલવાલે દુલ્હનિયા લે જાયેંગે'માં લીડ રોલ નિભાવ્યો હતો. 29 વર્ષ પહેલા રિલીઝ થયેલી આ આઈકોનિક ફિલ્મમાં તેના પાત્રનું નામ સિમરન હતું, જ્યારે શાહરૂખ ખાનનું નામ રાજ હતું. ભોલી અને સીધી-સાદી સિમરન ચાહકોની ફેવરિટ રહી છે. જોકે, હવે કાજોલે ખુલાસો કર્યો કે, હું સિમરનની ઘણી બધી બાબતોથી સહમત નથી. 

ભૂખ્યાં કેમ રહીએ?

એક ઈન્ટરવ્યૂમાં કાજોલે કહ્યું કે, 'હું DDLJમાં રાજ અને સિમરનનું એક-બીજા માટે કરવાચોથનું વ્રત રાખવાથી ખાસ ખુશ નથી. હું સિમરનની ઘણી બધી બાબતોથી સહમત નથી.' તેના પર કાજોલ સાથે આવેલી કૃતિ સેનને કહ્યું કે, રાજે પણ સિમરન માટે કરવાચોથનું વ્રત રાખ્યું હતું. તો કાજોલે જવાબ આપ્યો કે, હાં તો? મને એ નથી સમજાતું કે, લોકોએ પોતાને ભૂખ્યા કેમ રાખવા જોઈએ. ભૂખ્યાં કેમ રહીએ?

આ પણ વાંચો: એક કમેન્ટથી મારું જીવન બદલાયું, મને ટોણો માર્યો...' નેશનલ ક્રશ ગણાતી સફળ અભિનેત્રીનો ઘટસ્ફોટ

ફિલ્મ 'દો પત્તી'માં નજર આવશે એક્ટ્રેસ

અભિનેત્રીના પ્રોજેક્ટ્સની વાત કરીએ તો કાજોલ કૃતિ સેનન સાથે નેટફ્લિક્સની ફિલ્મ 'દો પત્તી'માં નજર આવશે. આ ફિલ્મ 25 ઓક્ટોબરના રોજ સ્ટ્રીમ થશે.