Watch : જૉન સીનાએ ગાયું શાહરૂખ ખાનનું સોન્ગ 'ભોલી સી સૂરત...', WWE સ્ટારનો વીડિયો થયો વાયરલ

દરેક કલાકારોની પોતાની એક આગવી સ્ટાઈલ હોય છે અને તેમની એ આગવી અદાને કારણે ઘણા લોકો દિવાના હોય છે. વિશ્વમાં દરેક કલાકારના ચાહકો હોય છે. સુપર સ્ટાર શાહરુખ ખાનના ફેન્સ દુનિયાભરમાં મૌજુદ છે. જેમા સામાન્ય લોકોથી માંડીને મોટી હસ્તિઓ પણ શાહરુખની દિવાની છે. દરેક પ્રસંગે આ દિગ્ગજ કિંગખાનની ભારોભાર પ્રશંસા કરતાં જોવા મળે છે. જેમા એક નામ ડબલ્યૂડબલ્યૂ ચેમ્પિયન જૉન સીનાનું પણ છે. જૉન સીનાને કેટલીયે વાર બોલીવુડના બાદશાહના વખાણ કરતાં જોવા મળ્યા છે. હવે જૉન સીનાએ શાહરુખનું જાણીતું ગીત ગાયુ હતું, જેનો વીડિયો સોશિયલ મીડિયા પર જોરદાર રીતે વાયરલ થયો છે. 

જૉન સીનાએ ગાયુ 'ભોલી સી સૂરત' ગીત

શાહરુખ ખાનનું સ્ટારડમ માત્ર ભારતમાં નહીં પરંતુ સીમા પર પણ છે. જેમા ડબલ્યૂડબલ્યૂ સુપર સ્ટાર જૉન સીના પણ સામેલ છે. જેનો વીડિયો હાલમાં સોશિયલ મીડિયા પર વાયરલ થતાં ખળભળાટ મચી ગયો છે. તે બોલીવુડ ક્લાસિક ફિલ્મ 'દિલ તો પાગલ હૈ' શાહરુખ ખાનનું લોકપ્રિય ગીત 'ભોલી સી સૂરત' ગીત ગાતા નજરે પડ્યા હતા. વીડિયોને ઈન્સ્ટાગ્રામ પર શાહરુખ ખાનના એક ચાહક દ્વારા શેર કરવામાં આવ્યો છે. 

સોશિયલ મીડિયા પર છવાયો વીડિયો 

વીડિયોમાં જૉન સીનાને ગીત ગાતા જોઈ શકાય છે. વાયરલ ક્લિપને જોઈને ફેન્સ ખૂબ જ ખુશ થઈ ગયા છે. કોમેન્ટ સેક્શનમાં લોકો હાર્ટ અને ફાયરવાળી ઈમેજ શેર કરી રહ્યા છે. લતા મંગેશકર અને ઉદિત નારાયણના અવાજમાં ગવાયેલું આ ગીતે લોકોને મંત્રમુગ્ધ કરી દે છે. 'દિલ તો પાગલ હૈ 'ફિલ્મમાં સાચી દોસ્તી વિશેની સ્ટોરી જોવા મળી રહી છે. તેને ફિલ્મફેર સહિત અનેક એવોર્ડથી નવાજમાં આવી છે.