પોપ્યુલર સ્ટારની લિસ્ટમાં કિંગ ખાન પ્રથમ, ટોપ 10માં આ એકટ્રેસને મળ્યુ સ્થાન

નવી મુંબઇ,તા. 23 નવેમ્બર 2023, ગુરુવાર 

બોલિવૂડ સુપરસ્ટાર શાહરૂખ ખાનનું નામ અને ખ્યાતિ દુનિયાભરમાં છે. વિદેશમાં પણ શાહરૂખના કરોડો ચાહકો છે. આ વર્ષે તેણે તેની બે બ્લોકબસ્ટર ફિલ્મો પઠાણ અને જવાન આપી છે. આ ફિલ્મોએ કિંગ ખાનના સ્ટારડમમાં દસ ગણો વધારો કર્યો છે. આ કારણે ઈન્ટરનેટ મૂવી ડેટાબેઝ (IMDb)ની તાજેતરની યાદીમાં શાહરૂખ ખાન ટોચ પર છે.

મળતી માહિતી પ્રમાણે IMDb દ્વારા આ વર્ષના ટોચના ભારતીય સ્ટાર્સની યાદી જાહેર કરવામાં આવી છે. આ લિસ્ટમાં કિંગ ખાન આ વર્ષના ટોચના ભારતીય અભિનેતા બની ગયા છે.

શાહરૂખ ખાન આ વર્ષનો ટોપ સ્ટાર બન્યો

2023 માં બોલિવૂડના બાદશાહે બે મુખ્ય બ્લોકબસ્ટર, જવાન અને પઠાણ આપી છે. જે વિશ્વભરમાં બીજા અને ત્રીજા નંબરની સૌથી મોટી હિન્દી ફિલ્મો છે. આ બંને ફિલ્મોએ બોક્સ ઓફિસ પર કમાણી કરી હતી. આ ફિલ્મ પણ દર્શકોને ખૂબ પસંદ આવી હતી. આ ફિલ્મે ઘણા રેકોર્ડ તોડ્યા અને હવે તેનો ફાયદો કિંગ ખાનને પણ મળ્યો છે. શા

હરૂખ ખાન આ વર્ષનો ટોપ એક્ટર બની ગયો છે. શાહરૂખની બંને ફિલ્મોએ 1000 કરોડનો બિઝનેસ કર્યો હતો. આ સિવાય હવે શાહરૂખ ખાનની બીજી મોટી ફિલ્મ ડંકી પણ ટૂંક સમયમાં રિલીઝ થવા જઈ રહી છે.

દીપિકા પાદુકોણ અને આલિયા ભટ્ટ ટોપ 3માં સ્થાન 

આ યાદીમાં શાહરૂખ ખાન નંબર 1 પર છે તો દીપિકા પાદુકોણ અને આલિયા ભટ્ટે પણ ટોપ 3માં પોતાનું સ્થાન બનાવી લીધું છે. આ લિસ્ટમાં આલિયા ભટ્ટ બીજા નંબર પર છે. અભિનેત્રીએ આ વર્ષે બે ફિલ્મો કરી, જેમાંથી એક કરણ જોહરની રોકી ઔર રાની કી પ્રેમ કહાની હતી. અભિનેત્રી હોલીવુડની હાર્ટ ઓફ સ્ટોનમાં પણ જોવા મળી હતી. 

જ્યારે દીપિકા પાદુકોણે આ યાદીમાં ત્રીજું સ્થાન મેળવ્યું છે. તે શાહરૂખ ખાન સાથે ફિલ્મ પઠાણમાં જોવા મળી હતી. આ સાથે જ યુવા અભિનેત્રી નયનતારાએ પણ આ યાદીમાં પોતાનું સ્થાન બનાવી લીધું છે.

આ ટોચના 10 સ્ટાર્સની લિસ્ટ 

1. શાહરૂખ ખાન

2. આલિયા ભટ્ટ

3. દીપિકા પાદુકોણ

4. વામિકા ગબ્બી

5. નયનથારા

6. તમન્ના ભાટિયા

7. કરીના કપૂર ખાન

8. શોભિતા ધુલીપાલા

9. અક્ષય કુમાર

10. શાહિદ કપૂર