'હુ 340 દિવસ એક્ટિંગ નહીં કરી શકુ': બેક ટુ બેક ફિલ્મો કરીને થાક્યા અભિનેતા પંકજ ત્રિપાઠી

                                                       Image Source: Facebook

મુંબઈ, તા. 02 ઓક્ટોબર 2023 સોમવાર

પંકજ ત્રિપાઠી વર્તમાન સમયમાં સૌથી વ્યસ્ત એકટર્સ પૈકીના એક છે. તેઓ તાજેતરમાં જ ફિલ્મ ફુકરે 3 માં નજર આવ્યા છે. તેના પહેલા તેઓ OMG 2 માં નજર આવ્યા હતા જેમાં તેમની એક્ટિંગના જોરદાર વખાણ કરવામાં આવ્યા હતા. બેક ટુ બેક કામ કરતા પંકજ ત્રિપાઠી ખૂબ થાકી ચૂક્યા છે. પંકજ ત્રિપાઠીએ કહ્યું તેઓ ફિલ્મોમાં ઓછુ કામ કરશે કેમ કે તેઓ માત્ર કામ જ કરવા માંગતા નથી. તેમણે હવે ઓછી ફિલ્મો કરવાનું શરૂ કરી દીધુ છે કેમ કે હવે તેઓ થાકી ચૂક્યા છે. પંકજ ત્રિપાઠી કહે છે ઘણી વખત એવો વખત આવ્યો કે મે શોટ આપી દીધો, શું થયુ અને તે કઈ ફિલ્મ માટે હતો. આ સારી સ્થિતિ નથી. તમે 340 દિવસ એક્ટિંગ ન કરી શકો અને હું તે કરી રહ્યો છુ પરંતુ હુ હવે આ કરવા માગતો નથી. 

સારી સ્ક્રિપ્ટ મળી એટલે વધુ ફિલ્મો કરી લીધી

પંકજ ત્રિપાઠીએ કહ્યુ, ઘણી વખત મને કહાની પસંદ આવી ગઈ તેથી મે તે ફિલ્મો કરી નાખી. મુશ્કેલી તે છે કે જ્યારે તમે ભૂખ્યા રહો છો તો તમે જરૂરિયાત કરતા વધુ ખાઈ લો છો. જ્યારે ભોજન સારુ હોય અને પ્લેટમાં આપી દેવાય તો તમારુ ઓવરઈટિંગ કરવાનું નક્કી છે. એક્ટર તરીકે મારી સાથે પણ તે જ થયુ છે. મને ઘણી ફિલ્મોની ઓફર મળી અને ત્યાંથી જ ઓવરઈટિંગ શરૂ થઈ ગઈ.

પંકજ ત્રિપાઠીની આગામી ફિલ્મ 'મે અટલ હૂ'

પંકજ ત્રિપાઠી તેમની આગામી ફિલ્મ મે અટલ હૂ માં નજર આવશે જેમાં તેઓ પૂર્વ વડાપ્રધાન અટલ બિહારી વાજપેયીની ભૂમિકામાં નજર આવશે. તેના ડાયરેક્ટર રવિ જાધવ છે જેમને નેશનલ એવોર્ડ વિનિંગ ફિલ્મો નટરંગ અને બાલગંધર્વ માટે ઓળખવામાં આવે છે. આ ફિલ્મ આ વર્ષે ડિસેમ્બરમાં રિલીઝ થશે.