'હર હર ગંગે': જાણીતો સિંગર ગુરુ રંધાવા મહાકુંભ પહોંચ્યો, સંગમમાં લગાવી આસ્થાની ડૂબકી
Updated: Jan 25th, 2025
Image: Facebook
Mahakumbh Mela 2025: મહાકુંભ 2025માં દેશ-વિદેશથી શ્રદ્ધાળુ આસ્થાની ડૂબકી લગાવવા પહોંચી રહ્યા છે. તમામનું મન ભગવાનમાં છે અને પ્રયાગરાજમાં તમામ કુંભમેળો ફરવા ઇચ્છે છે. આ દરમિયાન મહાકુંભ 2025માં ડૂબકી લગાવવા સિંગર ગુરુ રંધાવા પણ પ્રયાગરાજ પહોંચ્યો. તેણે સંગમમાં આસ્થાની ડૂબકી લગાવી અને અમુક ચાહકો સાથે ફોટો પણ પડાવ્યા.
ગુરુ રંધાવાએ મહાકુંભ મેળાનો વીડિયો સોશિયલ મીડિયા પર શેર કર્યો છે. આ સાથે તેણે એ પણ જણાવ્યું કે હવે તે 2025 માટે તૈયાર છે. વીડિયોમાં ગુરુ રંધાવાને લાઇફ જેકેટ પહેરેલો ગંગાની સેર કરતો જોઈ શકાય છે. માતા ગંગાની આરતીમાં પણ સિંગર સામેલ થયો. તેણે લોકો સાથે મુલાકાત કરી અને પછી માતા ગંગાને પ્રાર્થના પણ કરી.
વીડિયો શેર કરતાં સિંગરે લખ્યું, 'પ્રયાગરાજમાં મા ગંગામાં આસ્થાની ડૂબકી લગાવીને સારું અનુભવી રહ્યો છું. અહીં વિશ્વાસ વહે છે અને અધ્યાત્મ ઉમટે છે. હું મારા નવા સફરની શરુઆત ભગવાનના આશીર્વાદની સાથે કરી રહ્યો છું. હર હર ગંગે.' ગુરુનો આ વીડિયો સોશિયલ મીડિયા પર વાયરલ થઈ ગયો છે.
ચાહકોને ગુરુ રંધાવાનો આ વીડિયો ખૂબ પસંદ આવી રહ્યો છે. સાથે જ ચાહકો એ જાણવા ઉત્સુક છે કે આખરે ગુરુ આગળ શું કરવાનો છે. શું તે કોઈ નવા આલ્બમ કે ફિલ્મ પર કામ કરશે. એ તો સમય જ બતાવશે.
