ઉંમર 80ની છે પરંતુ આજે પણ BIG B સ્ટાઈલની બાબતમાં બધાને પાછળ છોડી દે છે

- બિગ બી આજે પણ પોતાની સ્ટાઈલ સાથે કોઈ બાંધછોડ નથી કરતા

મુંબઈ, તા. 11 ઓક્ટોબર 2022, મંગળવાર

બોલિવૂડમાં ભલે ગમે તેટલા સ્ટાર્સ આવે અને જાય પરંતુ શહેનશાહ એક જ હતા અને એક જ છે. એવું કહેવાય છે કે તેઓ જ્યાં ઊભા થાય છે ત્યાંથી લાઈન શરૂ થાઈ જાય છે. અમે બોલીવુડના બિગ બી અમિતાભ બચ્ચનની વાત કરી રહ્યા છીએ. અમિતાભે તેમના જીવનના 80 વર્ષ પૂરા કર્યા છે અને આજે પણ તેમની સ્થિતિ અને લોકપ્રિયતા એટલી જ છે જેટલી 80ના દાયકામાં હતી. ચાલો આજે આ ટાઈમ લેસ અભિનેતાની ટાઈમ લેસ સ્ટાઈલિશ અને ફેશન પર એક નજર કરીએ.

બિગ બી આજે પણ પોતાની સ્ટાઈલ સાથે કોઈ બાંધછોડ નથી કરતા. જરા આ ફોટો જુઓ જેમાં તેઓ મરૂન બ્લેઝર પહેરેલા જોવા મળી રહ્યા છે. બેઝિક શર્ટને બદલે બિગ બીએ ગ્રે પેન્ટ સાથે ગ્રે ટી-શર્ટ અને ચેક પ્રિન્ટનું મફલર કેરી કર્યું છે. બીજી તરફ તેના પ્રિય ચશ્મા લુકને પૂર્ણ કરી રહ્યા છે.

બિગ બી જેટલા સ્ટાઈલિશ છે તેટલા જ તેઓ ફની પણ છે. અન્ય કોઈ કંઈ બોલે તે પહેલા તેણે શો દરમિયાન પોતાના આ આઉટફિટમાં પોતાની મજાક ઉડાવવાનું શરૂ કરી દીધું હતું. બિગ બી ધોતી પાયજામા સાથે હૂડી પહેરેલા નજર આવી રહ્યા છે જેની સાથે તેમણે બ્લુ મફલર અને સનગ્લાસ કેરી કર્યા છે. ફોટો પર કેપ્શન આપતા બિગ બીએ લખ્યું કે,  'પહન્ને કો દે દિયા પજામા, લગા સાડી કો ફાડા, આગે છોટી જેબ દે દી, ઔ પીછે લગા હે નાડા.'

આ નચ પંજાબન સ્ટાઈલ પર પાછળથી અને બિગ બીની ક્યૂટનેસ પહેલા ધ્યાન ખેંચી રહી છે. બિગ બી ઓવરસાઈઝ્ડ બ્લુ હૂડી પહેરીને પોઝ આપી રહ્યા છે. તેમજ કપાળ અને હાથ પર ફિટનેસ બેન્ડ બાંધેલા જોવા મળી રહ્યા છે. એ સ્વીકારવું પડશે કે બિગ બી માત્ર સ્ટાઈલ જ નહીં પરંતુ ફિટનેસ પર પણ ખૂબ ધ્યાન આપે છે.

અમિતાભ બચ્ચનની એક વિશેષતા એ છે કે તેઓ કમ્ફર્ટને ટોચ પર રાખે છે અને કમ્ફર્ટ તેમની ફેશન છે. તેથી જ તેમાંના મોટા ભાગના હૂડી પહેરીને રિલેક્સ નજર આવે છે. હૂડી તેના પર સારી રીતે બંધબેસે છે અને તેમની ફેશન ગેમ તેનાથી ઓન પોઈન્ટ પણ રહે છે. આ ફોટોમાં પણ તે પીળા રંગની હૂડી પહેરેલા જોવા મળી રહ્યા છે.