શાહિદ કપૂર સ્ટારર Farzi ના ચાહકો માટે ગુડ ન્યૂઝ, એક્ટરે સિરીઝની સીકવલનું કર્યું એલાન

                                                              Image Source: Facebook

મુંબઈ, તા. 12 ઓક્ટોબર 2023 ગુરૂવાર

આ વર્ષે ફિલ્મોની સાથે-સાથે ઓટીટી પર પણ એકથી એક ચઢિયાતી વેબ સિરીઝ રિલીઝ થઈ રહી છે પરંતુ અમુક વેબ સિરીઝ એવી છે, જેણે તમામના દિલને જીતી લીધા છે. જે પૈકીની એક છે શાહિદ કપૂર અને વિજય સેતુપતિ સ્ટારર વેબ સિરીઝ ફર્ઝી. દરમિયાન તેની સીકવલની પણ આતુરતાથી રાહ જોવાઈ રહી છે. હવે ફર્ઝી 2 ની રાહ જોઈ રહેલા ચાહકો માટે એક ગુડ ન્યૂઝ છે.

તાજેતરમાં જ શાહિદ કપૂરે ફર્ઝી 2 કન્ફર્મ કરી છે. શાહિદે કહ્યુ કે ફર્ઝીની બીજી સીઝન આવશે. જે રીતે કહાનીનું સમાપન થયુ, તે ઓપન-એન્ડેડ હતુ એટલે ઘણુ બધુ થવાની સંભાવના છે. તેથી ફર્ઝી 2 આવશે. 

ઉલ્લેખનીય છે કે શાહિદ કપૂરની સિરીઝ ફર્ઝી ખૂબ હિટ રહી હતી અને આ આઠ એપિસોડમાં રિલીઝ થઈ હતી. આ સિરીઝમાં સાઉથ અભિનેતા વિજય સેતુપતિ, કે મેનન, રાશિ ખન્ના, ભુવન અરોડા, અમોલ પાલેકર અને રેજિના કૈસેંડ્રા પણ કામ કરતા નજર આવ્યા હતા. પહેલી સીઝન એક નોટ પર ખતમ થઈ હતી અને લોકો આગળની કહાની વિશે જાણવા માટે ખૂબ ઉત્સાહિત હતા. સાઉથ એક્ટર વિજય સેતુપતિ આ વેબ શો માં એક પોલીસ કર્મચારીના પાત્રમાં નજર આવ્યા હતા જ્યારે શાહિદ કપૂરે એવા ચોરનો રોલ પ્લે કર્યો હતો જેણે સૌને ચોંકાવી દીધા હતા. ફર્ઝીની સાથે શાહિદ કપૂર અને વિજય સેતુપતિએ ઓટીટી સ્પેસમાં ડેબ્યૂ કર્યુ હતુ. 

શાહિદ કપૂર ટૂંક સમયમાં જ કૃતિ સેનન સાથે એક અનટાઈટલ્ડ પ્રોજેક્ટમાં નજર આવશે. શાહિદ-કૃતિની ફિલ્મ 9 ફેબ્રુઆરી 2024એ રિલીઝ થશે અને જેમાં દિગ્ગજ એક્ટર ધર્મેન્દ્ર પણ નજર આવશે. રસપ્રદ વાત એ છે કે આ ફિલ્મમાં શાહિદ અને કૃતિની જોડી પહેલીવખત ઓન-સ્ક્રીન નજર આવશે.