ટાઈગર-3થી લઈને ખિચડી-2 સુધી, થિયેટરોમાં આ મહિને રિલીઝ થશે 7 બોલીવુડ ફિલ્મો, જાણો કઈ કઈ

નવી મુંબઇ,તા. 1 નવેમ્બર 2023, બુધવાર  

2023ની પૂર્ણાહુતિને હવે માત્ર 2 મહિના બાકી છે. તહેવારોની સીઝનના આ બે મહિનામાં જાહેર બજારોમાં તો ચકાચોંધ હોય જ છે પરંતુ સિનેમાઘરોમાં પણ હાઉસફૂલના પાટિયા જોવા મળે છે. કોરોના મહામારી અને બાદમાં OTTએ એન્ટરટેઈનમેન્ટના તડાકામાં ફેરફાર ચોક્કસથી કર્યો છે પરંતુ હજી સુધી થિયેટરોનો ચાર્મ દૂર નથી થઈ શક્યો. આજથી નવેમ્બરની શરૂઆત થઈ છે અને ડિસેમ્બરમાં ક્રિસમસ અને ન્યૂ યર સાથે આ સીઝન સમાપ્ત થશે.

2023નું કેલેન્ડર વર્ષ સિનેમા માટે ઘણું સારું રહ્યું છે. પઠાણ, જવાન, ગદર 2 જેવી ફિલ્મોએ રેકોર્ડબ્રેક કમાણી કરી છે. સિનેમા પ્રેમીઓ માટે નવેમ્બર પણ રોમાંચક રહેવાનો છે. OTT સિવાય 7 હિન્દી ફિલ્મો થિયેટરોમાં આ મહિને રિલીઝ થશે. આમાંથી ચાર ફિલ્મો ધ લેડી કિલર, UT-69, આંખ મિચૌલી અને હુકુસ-બુકસ 3 નવેમ્બરે જ રિલીઝ થશે. આ સિવાય દિવાળી પર સ્પેશ્યલ ભાઈજાનની ટાઈગરની સિક્વલ પણ રૂપેરી પડદે આવશે. તો આવો જાણીએ આ મહિને રિલીઝ થનારી ફિલ્મોની વિગતો...

ફિલ્મઃ ધ લેડી કિલર

રીલિઝિંગ ડેટ : 3 નવેમ્બર

મુખ્ય સ્ટાર કાસ્ટ: અર્જુન કપૂર, ભૂમિ પાંડેકર

ડિરેક્ટરઃ અજય બહેલ

ફિલ્મ: UT 69

રીલિઝિંગ ડેટ: 3 નવેમ્બર

મુખ્ય સ્ટાર કાસ્ટ: રાજ કુન્દ્રા, કુમાર સૌરભ

ડિરેક્ટર: શાહનવાઝ અલી

ફિલ્મ: આંખ મિચૌલી

રીલિઝ ડેટ: 3 નવેમ્બર

સ્ટાર કાસ્ટ: મૃણાલ ઠાકુર, પરેશ રાવલ, અભિમન્યુ દાસાની અને વિજય રાઝ

ડિરેક્ટર: ઉમેશ શુક્લા

ફિલ્મ: હુકુસ બુકસ

રીલિઝિંગ ડેટ: 3 નવેમ્બર

મુખ્ય કલાકાર: દર્શિલ સફારી, અરુણ ગોવિલ, ગૌતમ વિગ

ડિરેક્ટરઃ વિનય ભારદ્વાજ અને સૌમિત્ર સિંહ

ફિલ્મઃ ટાઇગર 3

રીલિઝિંગ ડેટ: 12 નવેમ્બર

મુખ્ય સ્ટાર કાસ્ટઃ સલમાન ખાન, કેટરિના કૈફ, ઈમરાન હાશ્મી

ડિરેક્ટરઃ મનીષ શર્મા

ફિલ્મઃ ખીચડી-2

રીલિઝિંગ ડેટ :- 17 નવેમ્બર

મુખ્ય સ્ટાર કાસ્ટ: કીર્તિ કુલ્હારી, પ્રતિક ગાંધી, અનંત વિધાત, સુપ્રિયા પાઠક કપૂર, રાજીવ મહેતા, અનંગ દેસાઈ, વંદના પાઠક, જમનાદાસ મજેઠિયા

ડિરેક્ટરઃ આતિશ કાપડિયા

ફિલ્મ: Farre

રીલિઝિંગ ડેટ: 24 નવેમ્બર

મુખ્ય સ્ટાર કાસ્ટ: અલીઝેહ અગ્નિહોત્રી, સાહિલ મહેતા, પ્રસન્ના બિષ્ટ

ડિરેક્ટર: સૌમેન્દ્ર પાધી