'ફ્રેન્ડ્સ'ના જાણીતા કેરેક્ટર ચૅન્ડલર બિંગએ દુનિયાને કહ્યું અલવિદા, બાથ ટબમાં ડૂબવાથી થયું મૌત

Matthew Perry passes Away: હોલીવુડની પ્રખ્યાત ટીવી સીરિયલ 'ફ્રેન્ડ્સ'નું જાણીતું કેરેક્ટર ચૅન્ડલર બિંગ એટેલે કે એકટર મૈથ્યુ પેરીના મૌતના સમાચાર મળી રહ્યા છે. મૈથ્યુ પેરીનું નામ વિશ્વવિખ્યાત છે તેમજ આ એકટરનું ફેન ફોલોઈંગ પણ ખૂબ જ વધારે છે. 54 વર્ષની વયે તેમણે દુનિયાને અલવિદા કહ્યું છે. મીડિયા રીપોર્ટ અનુસાર, તેમનું મૃતદેહ ઘરના બાથ ટબમાંથી મળી આવ્યું હતું.

બોલીવુડએ પણ આપી શ્રદ્ધાંજલિ 

અમેરિકન-કેનેડિયન એકટર મૈથ્યુ પેરીની મૌત વિશે હજુ સંપૂર્ણ માહિતી સામે આવી નથી. અહેવાલો અનુસાર એવું માનવામાં આવી રહ્યું છે કે, બાથ ટબમાં ડૂબવાના લીધે તેમનું મૃત્યુ થયું છે. આ સમાચારથી બોલીવુડમાં પણ ખળભળાટ મચી ગયો હતો અને રણવીર સિંહ સહિતના બોલીવુડ સ્ટારે તેમને શ્રદ્ધાંજલિ આપી હતી.

'ફ્રેન્ડ્સ' નામની સીરિયલથી પ્રખ્યાત થયા હતા એકટર

મેથ્યુ 'ફ્રેન્ડ્સ' નામની સીરિયલ દ્વારા વધુ ફેમસ થયા હતો. આ સીરિયલ 1994માં શરૂ થઇ હતી અને છેલ્લો એપિસોડ 2004માં ટેલિકાસ્ટ થયો હતો. 'ફ્રેન્ડ્સ' કુલ 236 એપિસોડ અને દસ સીઝન સાથે OTT પર રિલીઝ થયેલી ફેમસ ટીવી સીરિયલ હતી. આજે પણ લાખો લોકો આ શોના ચાહક છે.