VIDEO : ગંધર્વ જુનિયરની પહેલી ઝલક, બાહુબલી અને KGFને ટક્કર આપે એવી સાઉથની બિગ બજેટ ફિલ્મ

                                                         Image Source: Twitter

મુંબઈ, તા. 23 સપ્ટેમ્બર 2023 શનિવાર

સાઉથમાંથી કંઈક એવા પ્રકારની ફિલ્મો આવી રહી છે જે બોલીવુડના વિચારોથી ખૂબ દૂર છે. થોડા સમય પહેલા જ જેલર સુપરહિટ રહી હતી. તેના પહેલા આ વર્ષે વિરુપક્ષ જેવી હોરર ફિલ્મ રિલીઝ થઈ હતી. એટલુ જ નહીં, 2018 એ પણ બોક્સ ઓફિસ પર ધૂમ મચાવી હતી. આગામી દિવસોમાં લિયો અને સાલાર જેવી ફિલ્મો બોક્સ ઓફિસ પર ધમાલ મચાવવા તૈયાર છે પરંતુ આ દરમિયાન વધુ એક ફિલ્મની પહેલી ઝલક રિલીઝ કરવામાં આવી છે જેણે ધૂમ મચાવીને રાખી છે. આ ફિલ્મ બિગ બજેટ છે અને બાહુબલી અને કેજીએફને પણ ટક્કર આપી શકે છે. આ ફિલ્મનું નામ ગંધર્વ જુનિયર છે. જેને 6 ભાષાઓમાં બનાવવામાં આવી રહી છે તેમાં ગંધર્વોની કહાનીઓને દર્શાવવામાં આવશે. તે ગંધર્વોની કહાનીને જે વિશે ખૂબ જ ઓછુ સાંભળવામાં અને કહેવામાં આવ્યુ છે. 

ગંધર્વ જુનિયર બિગ બજેટ છે અને તેમાં લીડ રોલમાં ઉન્ની મુકુંદન નજર આવશે. નિર્માતાઓએ ઉન્ની મુકુંદનના જન્મદિવસની શુભકામનાઓ સાથે વર્લ્ડ ઓફ ગંધર્વની ઝલક જાહેર કરી છે. ગંધર્વ જુનિયરનું લક્ષ્ય વર્ચ્યુઅલ પ્રોડક્શન ટેકનિકના માધ્યમથી કહાની વિશાળ અંદાજમાં દર્શકોની સામે રજૂ કર્યુ છે. 

લિટલ બિગ ફિલ્મ્સના બેનર હેઠળ નિર્મિત આ ફિલ્મ ગંધર્વોની અજાણી વિશેષતાઓની થીમ પર તૈયાર કરવામાં આવી રહી છે, સુવિન કે વર્કી અને પ્રશોભ કૃષ્ણા ફિલ્મના પ્રોડ્યુસર છે જ્યારે વિષ્ણુ અરવિંદ ફિલ્મના ડાયરેક્ટર છે. પટકથા પ્રવીણ પ્રભારમ અને સુજિન સુજાતને લખી છે. ફિલ્મનું મ્યૂઝિક જેક્સ બિજોયે આપ્યુ છે. ગંધર્વ જુનિયરને હિંદી, તમિલ, તેલુગુ, કન્નડ, અંગ્રેજી અને મલયાલમમાં રિલીઝ કરવામાં આવશે.