VIDEO : 'ટાઈગર 3'ના પહેલા સોંગ 'લેકે પ્રભુ કા નામ...'નું ટીઝર રિલીઝ, અરિજીતે આપ્યો શાનદાર અવાજ
Image Source: Twitter
મુંબઈ, તા. 20 ઓક્ટોબર 2023 શુક્રવાર
સલમાન ખાન અત્યારે પોતાની આગામી ફિલ્મ ટાઈગર 3ને લઈને ચર્ચામાં છે. ફિલ્મના ત્રીજા ભાગની લોકો આતુરતાથી રાહ જોઈ રહ્યા છે. દર્શક એકવાર ફરી ટાઈગર અને જોયાને એક સાથે જોવા માટે ઉત્સુક છે. ફિલ્મને લઈને દર્શકો વચ્ચે પહેલેથી જ બઝ બનેલુ છે. આ દરમિયાન ટાઈગર 3 નું પહેલુ ગીત લેકે પ્રભુ કા નામનું ધમાકેદાર ટીઝર રિલીઝ થઈ ગયુ છે. આ ગીતને બોલીવુડના મશહૂર સિંગર અરિજિત સિંહે પોતાનો શાનદાર અવાજ આપ્યો છે.
આ દિવસે ગીત રિલીઝ થશે
ટાઈગર 3 ના પહેલા ગીતમાં સલમાન ખાન અને કેટરીના કૈફ અરિજિત સિંહના અવાજ પર નાચતા નજર આવે છે. આ ગીત 23 ઓક્ટોબરે રિલીઝ થશે. સલમાન ખાને સોશિયલ મીડિયા પર ગીતનું ટીઝર રિલીઝ કર્યુ છે. ગીતના ટીઝરમાં સલમાન-કેટરીના પૂરા સ્વેગમાં નજર આવી રહ્યા છે.
દિવાળી પર રિલીઝ થશે ફિલ્મ
ટાઈગર 3 માં સલમાન ખાન અને કેટરીના કૈફ સિવાય ઈમરાન હાશ્મી પણ નજર આવવાના છે. ટાઈગર 3નું નિર્દેશન મનીષ શર્માએ કર્યુ છે. ફિલ્મ દિવાળીના અવસરે 12 નવેમ્બરે રિલીઝ થશે. ફિલ્મની ચાહકો આતુરતાથી રાહ જોઈ રહ્યા છે. રિપોર્ટસ અનુસાર સલમાનની ટાઈગર 3 બોક્સ ઓફિસ પર જોરદાર ધમાલ મચાવવાની છે.
ઈમરાન હાશ્મીનું પાત્ર
ફિલ્મનું જોરદાર ટ્રેલર પહેલા જ રિલીઝ થઈ ચૂક્યુ છે. ચાહકોને ફિલ્મનું ટ્રેલર ખૂબ પસંદ આવ્યુ છે. ટ્રેલર જોયા બાદ ફિલ્મ જોયા માટે દર્શકોની ઉત્સુકતા વધી ગઈ છે. ટાઈગર 3 વાઈઆરએફ સ્પાય યુનિવર્સની પાંચમી ફિલ્મ છે. એક થા ટાઈગર અને ટાઈગર ઝિંદા હૈ બાદ ટાઈગર 3 સલમાનની ત્રીજી સ્પાય થ્રિલર ફિલ્મ હશે. ફિલ્મમાં સલમાન અને કેટરીના છ વર્ષ બાદ એકવાર ફરી ટાઈગર અને ઝોયાની ભૂમિકામાં વાપસી કરી રહ્યા છે. આ ફિલ્મમાં ઈમરાન હાશ્મી ખલનાયકના પાત્રમાં નજર આવશે.