'એનિમલ'માં બોબી દેઓલના વિલન અવતાર પર પિતા ધર્મેન્દ્રનું આવ્યુ રિએક્શન, પોસ્ટ શેર કરી

Image Source: Twitter

- ધર્મેન્દ્રએ સોશિયલ મીડિયા પર એક પોસ્ટ શેર કરીને પોતાના લાડલા પુત્રની પ્રશંસા કરી

મુંબઈ, તા. 04 ડિસેમ્બર 2023, સોમવાર

રણબીર કપૂર સ્ટારર ફિલ્મ 'એનિમલ' બોક્સ ઓફિસ પર ધૂમ મચાવી રહી છે. ફિલ્મ 'એનિમલ'માં બોબી દેઓલે ખતરનાક રોલ કર્યો છે. આ રોલ માટે એક્ટર બોબી દેઓલ ખૂબ પ્રશંસા મેળવી રહ્યા છે. લાંબા સમય બાદ બોબી મોટા પડદા પર નજર આવ્યો છે. આવી સ્થિતિમાં તેમના રોલ માટે ચાહકો તેના પર ખૂબ પ્રેમ વરસાવી રહ્યા છે. ત્યારે હવે આ વચ્ચે બોબી દેઓલના વિલન કેરેક્ટર પર તેમના પિતા ધર્મેન્દ્રનું પણ રિએક્શન સામે આવ્યું છે. ધર્મેન્દ્રએ હાલમાં જ સોશિયલ મીડિયા પર એક પોસ્ટ શેર કરીને પોતાના લાડલા પુત્રની પ્રશંસા કરી છે.

'એનિમલ'માં બોબી દેઓલના વિલન અવતાર પર ધર્મેન્દ્રનું રિએક્શન

ધર્મેન્દ્રએ પોતાના ઈન્સ્ટાગ્રામ હેન્ડલ પર 'એનિમલ' ફિલ્મથી પોતાના પુત્રનો એક સ્ક્રીનગ્રેબ શેર કર્યો છે જેમાં તે ખૂબ જ ગુસ્સામાં નજર આવી રહ્યો છે. આ તસવીરને શેર કરતા ધર્મેન્દ્રએ પુત્રની પ્રશંસા કરી છે. તેમણે ઘણા હાર્ટ ઈમોજી બનાવતા કેપ્શનમાં લખ્યું- મારો ટેલેન્ટેડ બોબ. 

આ અગાઉ બોબીના દમદાર લુક અને શાનદાર એક્ટિંગને જોઈને તેનો મોટો ભાઈ સની દેઓલ પણ ખુદને તેના વખાણ કરવાથી રોકી નહોતો શક્યો. સની દેઓલે ફિલ્મ 'એનિમલ'થી બોબીની એક તસવીર તેના ઈન્સ્ટા પર શેર કરીને તેના પર પ્રેમ વરસાવ્યો હતો. સનીએ શેર કરેલી તસવીરમાં બોબી દેઓલ લોહીથી લથપથ રડતો નજર આવ્યો હતો. બોબીની આ ખતરનાક તસવીર શેર કરતી વખતે સની દેઓલે કેપ્શનમાં લખ્યું હતું 'બોબ.'