એકતા કપૂર અને શોભા કપૂરે ઓલ્ટ બાલાજીના પ્રમુખ પદેથી આપ્યા રાજીનામા

મુંબઈ, તા.10 ફેબ્રુઆરી-2023, શુક્રવાર

ટીવી જગતની ફેમસ પ્રોડ્યુસર અને ડાયરેક્ટર એકતા કપૂર અને માતા શોભા કપૂરેએ ઓલ્ટ બાલજીનાં પ્રમુખપદથી રાજીનામું આપી દીધું. આ વાતની જાણ એકતા કપૂરે પોતાનાં સોશિયલ મીડિયા પોસ્ટથી કરી છે. 2017માં આ પ્લેટફોર્મની શરૂઆત કરી હતી. ઓલ્ટ બાલાજી પોતાનાં કન્ટેટનાં કારણે અવારનવાર ચર્ચામાં રહે છે.

હાલમાં જ એકતા કપૂરે ઓટીટી પ્લેટફોર્મનાં મેનેજમેન્ટમાં થયેલ ફેરફારની જાણ કરી અને નવી ટીમનું વેલકમ પણ કર્યું. ઓલ્ટ બાલાજીનાં ચીફ બીઝનેસ ઓફિસરની જવાબદારી વિવેક કોકાને આપી છે. પોસ્ટમાં લખ્યું હતું કે, 'કંપનીને આ જાહેર કરતાં આનંદ થાય છે કે વિવેક કોકા ઓલ્ટ બાલાજીના નવા ચીફ બિઝનેસ ઓફિસર છે. કોકાની જવાબદારી હેઠળ, ALTબાલાજી તેમના પગલે ચાલવાનું અને તેના દર્શકોને હાઈ ક્વોલિટી, ઓરીજનલ content આપવાનો મજબૂત ટ્રેક રેકોર્ડ સાથે ચાલુ રાખવાનું લક્ષ્ય રાખે છે.'

એકતા કપૂરએ આ પદ છોડવાની પ્રક્રિયા છેલ્લા વર્ષ જ શરૂ થઈ હતી. ઓલ્ટ બાલાજી પાસે હવે એક નવી ટીમ છે. બીજા વેન્ચર્સ પર ધ્યાન આપવા માટે એકતાએ આ નિર્ણય લીધો છે. આ પ્લેટફોર્મની સીરિઝ 'ગંદી બાત' વિવાદોના કારણે કોર્ટ સુધી પહોચી હતી. હાલમાં 'લોક અપ ' રિયાલિટી શોને દર્શકો દ્વારા પસંદ કરવામાં આવ્યો હતો. ઓલ્ટ બાલાજીએ પાછળનાં બે -ત્રણ વર્ષોમાં ઘણું ડાઉનફોલ જોયું છે.