આ હોલિવૂડ સિંગરે પોતાના મોત પહેલાં જ ઘર પાછળ બનાવી કબર

તા.6 ઓક્ટોબર 2023, શુક્રવાર 

દુનિયાભરમાં પોતાના ગીતોથી લોકોને દિવાના બનાવનાર હોલિવૂડ સિંગર એડ શીરાન પોતાની ગાયકી માટે આખી દુનિયામાં પ્રખ્યાત છે. એડ શીરાનને 'શેપ ઓફ યુ' ગીતથી ખાસ ઓળખ મળી હતી પરંતુ હવે તે પોતાના મૃત્યુની કબર ખોદી રહ્યો છે. આ અજીબ લાગશે પણ આ સત્ય છે. 

શા માટે પોતાની જ કબર ખોદાવી?

32 વર્ષીય સિંગરે આવું એટલા માટે કર્યું કારણ કે, તે ઈચ્છતો હતો કે, તેના મૃત્યુ બાદ તેનો આખો પરિવાર એક જ જગ્યાએ દફનાવવામાં આવે. આ કોઈ ભોંયરું નથી. આ સ્થળનો વિચાર તેના પરિવારના સભ્યોને સાથે રાખવાથી આવ્યો હતો, જેમનો એક સાથે અંતિમ સંસ્કાર કરવામાં આવ્યો છે.

શીરાને ઘરની પાછળના ભાગમાં જમીનમાં એક મોટો ખાડો બનાવ્યો છે અને તેની ઉપર એક નાનો પથ્થર મૂક્યો છે. 

સિંગર કહે છે કે જ્યારે પણ એ દિવસ આવશે, જ્યારે હું મરીશ, ત્યારે મને ત્યાં જ દફનાવી દેવામાં આવશે. મારા માટે આ કહેવું વિચિત્ર હશે, પરંતુ મારા ઘણા મિત્રો ઇચ્છા વિના મૃત્યુ પામ્યા છે, અને શું કરવું તે કોઈને ખબર નથી

2017માં રીલિઝ થયેલું 'શેપ ઓફ યુ' સોન્ગ એટલું લોકપ્રિય બન્યું હતું કે, તેને માત્ર બ્રિટનમાં જ નહીં પરંતુ સમગ્ર વિશ્વમાં પસંદ કરવામાં આવ્યું હતું. તેમનું આ ગીત 44 દેશોમાં પ્રથમ ક્રમે રહ્યું છે. શીરનને તેના ગીતો માટે બ્રિટ એવોર્ડ્સ અને બ્રિટિશ બ્રેકથ્રુ એવોર્ડ્સ મળ્યા છે.