કિંગ ખાને શેર કર્યાં ફિલ્મ ડંકીના નવા પોસ્ટર,ટીમ વિશે કહી આ વાત

નવી મુંબઇ,તા. 4 નવેમ્બર 2023, શનિવાર 

કિંગ ખાન હમણાં જ તેમનો બર્થ ડે ઉજવ્યો છે. ફિલ્મ પઠાન બાદ તે જવાનથી દર્શકોનું દિલ જીતવામાં સફળ રહ્યાં હતા. ત્યારે કિંગ ખાન ફરી એકવાર દર્શકો પર પોતાનો જાદુ ચલાવવા માટે તૈયાર છે. શાહરૂખ ખાન તેમની ફિલ્મ 'ડંકી'ને લઈને ચર્ચામાં છે. જ્યારથી ફિલ્મ ડંકીનું પહેલું ટીઝર બહાર આવ્યું છે ત્યારથી આ ફિલ્મની ચર્ચા થઇ રહી છે. હવે કિંગ ખાને ફિલ્મ ડંકીને લઇને એક નવુ અપડેટ શેર કર્યું છે. 

શાહરૂખે શેર કર્યું 'ડંકી'નું નવું પોસ્ટર

શાહરૂખ ખાને તેમના સોશિયલ મીડિયા એકાઉન્ટ પર ફિલ્મના પોસ્ટર શેર કર્યા છે,  આ પોસ્ટરમાં ફિલ્મની બાકીની સ્ટાર કાસ્ટ પણ જોવા મળી રહી છે. આ શેર કરતી વખતે શાહરૂખ ખાને ખૂબ જ ફની કેપ્શન લખ્યું છે.

એક પોસ્ટરમાં શાહરૂખ ખાન તેના આખા ક્રૂ સાથે જોવા મળી રહ્યાં છે. જ્યારે બીજા પોસ્ટરમાં રણમાં જોવા મળી રહ્યાં છે. આ પોસ્ટર્સ શેર કરતી વખતે શાહરૂખ ખાને લખ્યું છે કે, 'અમે બિલકુલ એવા જ દેખાઈ રહ્યા છીએ જેવી રીતે રાજુ સરે તેમના ઉલ્લુ કે પટ્ટોનું ઇમેઝીનેશન કર્યું હતુ. તેમના વિશે ઘણું શેર કરવાનું બાકી છે.

રાજકુમાર હિરાણી દ્વારા નિર્દેશિત આ ફિલ્મ નાતાલના ખાસ અવસર પર રિલીઝ થશે. જો ફિલ્મની સ્ટોરીની વાત કરીએ તો, આ ફિલ્મની સ્ટોરી 4 મિત્રોની છે,જે ઈંગ્લેન્ડ જવાનું સપનું જુએ છે. તેના તમામ મિત્રોની જવાબદારી હાર્દિક એટલે કે, શાહરૂખ ખાનના ખભા પર હોય છે. આ ફિલ્મની સ્ટાર કાસ્ટની જો વાત કરીએ તો, શાહરૂખ સિવાય તાપસી પન્નુ, દિયા મિર્ઝા, ધર્મેન્દ્ર, બોમન ઈરાની, સતીશ શાહ મહત્વની ભૂમિકામાં જોવા મળશે. તો વિકી કૌશલ અને કાજોલ કેમિયોમાં જોવા મળશે.