દિગ્દર્શક એટલી શાહરૂખ ખાન સાથે ફરી કામ કરવા ઉત્સાહિત

- ફિલ્મ જવાન કરતાં પણ વધુ તગડી સ્ક્રિપ્ટ લઇને આવશે

મુંબઇ : સાઉથના દિગ્દર્શક એટલીએ શાહરૂખ સાથે ફિલ્મ જવાન બનાવી હતી, જે બોક્સ ઓફિસ પર હિટ ગઇ હતી. હવે એટલી ે જવાન ફિલ્મ કરતાં પણ વધુ તગડી સ્ક્રીપ્ટ સાથે ફિલ્મ બનાવવા ઉત્સાહિત છે. 

એટલીએ જણાવ્યું હતું કે, મને શાહરૂખ સાથે પરી કામ કરવું છે. હું જવાન કરતાં વધુ તગડો વિષય લઇને શાહરૂખ સાથે વધુ એક ફિલ્મ બનાવીશ. મને અભિનેતાની સઘળી ફિલ્મો પસંદ છે. તેની ફિલ્મોની યાદી લાંબી છે. ભગવાનની કૃપા રહેશે તો હું ફરી શાહરૂખ સાથે કામ કરીશ. 

તેણે વધુમાં કહ્યું હતું કે, મને આશા અને વિશ્વાસ બન્ને છે કે, હું શાહરૂખ પાસે  સ્ક્રીપ્ટ લઇને જઇશ તો તે મને નિરાશ નહીં કરે. ઉલ્લેખનીય છે કે, જવાન ફિલ્મે વર્લડવાઇડ ૧૧૬૦ કરોડ રૂપિયાનો વ્યવસાય કર્યો હતો.