ધર્મેન્દ્ર-હેમા માલિનીએ લગ્નની 44મી વર્ષગાંઠની કરી ઉજવણી, ડ્રીમ ગર્લે શેર કરી તસવીર

Image: Twitter

Dharmendra and Hema Malini Wedding Anniversary: હેમા માલિનીએ પોતાના સોશિયલ મીડિયા પર ધર્મેન્દ્રની સાથે પોતાની 44મી વર્ષગાંઠ સેલિબ્રેટ કરવાની તસવીરો શેર કરી છે. આ તસવીરોમાં ધર્મેન્દ્ર હેમા માલિનીના ગાલ પર કિસ કરતા અને ગળામાં મોટી માળા પહેરેલા નજર આવી રહ્યા છે.

હેમા માલિની અને ધર્મેન્દ્રએ 2 મે ગુરુવારએ પોતાના લગ્નની 44મી વર્ષગાંઠ ઉજવી. વેડિંગ એનિવર્સરી સેલિબ્રેશનની તસવીર હેમા માલિનીએ પોતાના સોશિયલ મીડિયા હેન્ડલથી શેર કરી છે. આ તસવીરોમાં હેમા માલિની અને ધર્મેન્દ્રને ગળામાં મોટી માળા પહેરેલા જોઈ શકાય છે. દરમિયાન અમુક લોકો કપલે બીજી વખત લગ્ન કર્યા હોવાનો પણ અંદાજો લગાવી રહ્યા છે.

હેમા માલિનીએ ધર્મેન્દ્રની સાથે વેડિંગ એનિવર્સરી સેલિબ્રેટ કરતા ઘણી તસવીરો શેર કરી છે જે ખૂબ રોમેન્ટિક પણ છે. એક તસવીરમાં ધર્મેન્દ્ર હેમા માલિનીના ગાલ પર કિસ કરતા પણ નજર આવી રહ્યા છે. દરમિયાન ચાહકો તેમના પ્રેમની મિસાલ પણ આપી રહ્યાં છે કે આ ઉંમરમાં બંનેનો પ્રેમ સહેજપણ ઓછો થયો નથી.

ધર્મેન્દ્ર અને હેમા માલિનીએ કર્યું ટ્વિનિંગ

પોતાની 44મી વેડિંગ એનિવર્સરી પર ધર્મેન્દ્ર અને હેમા માલિની ટ્વિનિંગ કરતા પણ નજર આવ્યા. ધર્મેન્દ્રએ રસ્ટ કલરના શર્ટની સાથે બ્લેક કલરનું ટ્રાઉઝર પહેર્યું હતું. હેમા માલિનીએ સફેદ બેઝ પર રસ્ટ કલરના પ્રિન્ટ વાળી સુંદર સાડી પહેરી હતી. 75 વર્ષની ઉંમરમાં પણ હેમા માલિની સુંદર લાગી રહી હતી.

ઈશા દેઓલ પણ સાથે નજર આવી

હેમા માલિની અને ધર્મેન્દ્રની વેડિંગ એનિવર્સરી પર કપલની પુત્રી ઈશા દેઓલ પણ તેમની સાથે નજર આવી. વેડિંગ એનિવર્સરી સેલિબ્રેશન હેમા માલિનીના મુંબઈ વાળા ઘરમાં જ થયુ છે. હેમા માલિનીએ સોશિયલ મીડિયા પર વેડિંગ એનિવર્સરીની તસવીર શેર કરતા કેપ્શન આપ્યુ, 'ઘરેથી આજનો ફોટો'.

ધર્મેન્દ્ર-હેમાની પહેલી મુલાકાત 1970માં થઈ હતી

હેમા માલિની અને ધર્મેન્દ્રની પહેલી મુલાકાત 1970માં થઈ હતી જ્યારે તે ફિલ્મ 'તુમ હસીન મે જવાન' નું શૂટિંગ કરી રહ્યા હતા. ચાહકોને પણ હેમા-ધર્મેન્દ્રની જોડી ખૂબ પસંદ આવી હતી. ધર્મેન્દ્ર અને હેમા માલિનીએ જ્યારે લગ્ન કરવાનો નિર્ણય કર્યો તો બંનેના પરિવાર તેના વિરુદ્ધ હતા. જોકે, મુશ્કેલીઓને પાર કરીને હેમા-ધર્મેન્દ્રએ 1980માં લગ્ન કરી લીધા. 

ધર્મેન્દ્રએ હેમા માલિની સાથે બીજા લગ્ન કર્યાં હતાં

લગ્ન બાદ ધર્મેન્દ્ર અને હેમા માલિની બે પુત્રીઓ ઈશા અને અહાનાના માતા-પિતા બન્યાં. બોલીવુડની ડ્રીમગર્લ સાથે લગ્ન કર્યાં પહેલા ધર્મેન્દ્ર વિવાહિત હતાં. ધર્મેન્દ્રએ લગભગ 19 વર્ષની ઉંમરમાં પ્રકાશ કૌર સાથે લગ્ન કર્યાં હતાં. ધર્મેન્દ્ર અને પ્રકાશ કૌરના 4 બાળકો છે. બે પુત્ર સની દેઓલ, બોબી દેઓલ અને બે પુત્રીઓ વિજેતા, અજિતા.