યુવક સાથે તસવીર વાયરલ થવા મુદ્દે ધનશ્રીનો ટ્રોલર્સને જવાબ, કહ્યું, 'મારા પરિવાર પર અસર પડી...

ભારતીય ક્રિકેટર યજુવેન્દ્ર ચહલની પત્ની ધનશ્રી વર્મા હાલમાં ચર્ચામાં છે. હકીકતમાં તે ડાન્સ રિયાલિટી શો 'ઝલક દિખલા જા' માં જોવા મળી હતી. તો ધનશ્રીએ સોશિયલ મીડિયા પર તેના કોરિયોગ્રાફર પ્રતીક ઉત્તેકર સાથેની એક તસવીર શેર કરી હતી, જેને જોઈને લોકોએ અભિનેત્રીને ટ્રોલ કરવાનું શરૂ કરી દીધું. ત્યારબાદ નોબત એવી આવી કે તેણે સોશિયલ મીડિયા પર બ્રેક લગાવી દીધી હતી. પરંતુ તે પછી હવે તેણે એક વીડિયો શેર કરીને ટ્રોલર્સને જવાબ આપ્યો હતો. 

ધનશ્રી વર્માએ તેના ઓફિશિયલ ઈન્સ્ટાગ્રામ પ્લેટફોર્મ પર એક વીડિયો શેર કરીને ટ્રોલર્સને જવાબ આપ્યો છે. ક્લિપમાં તે કહી રહી છે કે, “તમને આના વિશે કેવું લાગે છે? કોઈ નિર્ણય અથવા અભિપ્રાય આપવાની તુલનાએ પૂછવું અને પહેલા વ્યક્તિ બનવું ખૂબ સરળ છે. હું મારા જીવનમાં ક્યારેય ટ્રોલ કે મીમ્સથી પ્રભાવિત થઈ નથી. આમાં ચોક્કસપણે ઘણી મેચ્યોરિટીથી અથવા તેને અવગણા અથવા જોરથી હસતી હતી. પરંતુ જ્યાં સુધી તેને ટ્રોલ કરવામાં આવી ન હતી.

ધનશ્રી આગળ લખે છે કે, "આ વખતે તેની મારા પર અસર થઈ કારણ કે ટ્રોલિંગથી મારા પરિવાર અને મારા પ્રિયજનોને પણ અસર થઈ. કારણ કે તમે લોકો દરેકને સોશિયલ મીડિયા પ્લેટફોર્મ પર તમારા મનની વાતો કહેવાની તમને આઝાદી છે. એટલા માટે તમે અમારી અને અમારા પરિવારની ભાવનાઓ ભૂલી જાઓ છો અથવા તો પછી નજરઅંદાજ કરો છો. "

ટ્રોલિંગને કારણે સોશિયલ મીડિયામાંથી બ્રેક લેવા પર અભિનેત્રીએ કહ્યું કે,  તેથી મેં તેનાથી સોશિયલ મીડિયામાંથી ડિટોક્સ કરવાનો નિર્ણય કર્યો અને મારા પર વિશ્વાસ કરો, આ ખૂબ જ શાંતિપૂર્વક હતું. પરંતુ શું અમને એવો પણ અહેસાસ થાય છે કે, જો આપણે આ માધ્યમને એટલું નેગેટિવ બનાવી દઈશું, તો આપણે મોટા પાયે નફરત ફેલાવી રહ્યા છીએ. સોશિયલ મીડિયા મારા કામનો મુખ્ય હિસ્સો છે, અને હું હાર નથી માની શકતી, આ કારણે હું હિંમત કરીને ઈન્સ્ટાગ્રામ પર પાછી આવી છું.

મને એક ફાઈટર તરીકે ઓળખવામાં આવે છે અને હું ક્યારેય હાર નથી માનતી: ધનશ્રી

ધનશ્રીએ વધુ વાત કરતાં કહે છે કે, "બસ હવે તમને લોકોને એક વિનંતી છે કે, થોડા સંવેદનશીલ બનો અને તમારી પ્રતિભા અને કૌશલ્ય પર ધ્યાન લગાવો, કારણ કે, અમે બધા તો આ માધ્યમ થકી માત્ર તમારા લોકોના મનોરંજન માટે જ છીએ. એટલે એ ના ભૂલશો કે, હું પણ મારી માં, બહેન, મિત્ર, પત્ની જેમ માત્ર એક મહિલા છું, અને આવું નથી કરી શકાતું, અને  યોગ્ય પણ નથી. બીજુ કે મને એક ફાઈટર તરીકે ઓળખવામાં આવે છે અને હું ક્યારેય હાર નથી માનતી,  હું અહીં છું અને હું ફરી હાર માનવાવાળી નથી, પરંતુ પ્રેમ ફેલાવો. કેટલીક બાબતો પ્રત્યે સંવેદનશીલ બનો અને નફરત ન ફેલાવો. હું ખરેખર આશા રાખું છું કે, અહીંથી આપણે બધા સારી બાબતો પર ધ્યાન કેન્દ્રિત કરીએ અને જીવનમાં આગળ વધીશું"