'થિયેટર આવો અને તમારી ઓકાત બતાવો...' OTTના એક્ટર્સને ડેવિડ ધવનની ચેલેન્જ

David Dhawan Challenged OTT Actors : ફિલ્મ મેકર ડેવિડ ધવનના નામે બોલિવૂડની ઘણી હિટ ફિલ્મો છે. જેમાં તેમને કોમેડીની સાથે રોમાંસનો સમાવેશ કરવાથી ફિલ્મોમાં નવો રસ્તો ઘડ્યો છે. પરંતુ હવે ડેવિડ ખૂબ જ પસંદીદા બન્યો છે. તેવામાં તે માત્ર પસંદગીની ફિલ્મો જ બનાવે છે. બીજી તરફ, હવે OTTનું ચલણ વધવાની સામે ડેવિડ તેનાથી બિલકુલ પ્રભાવિત ન હોવાનું જોવા મળે છે. તેમણે OTTને માત્ર એક અન્ય માધ્યમ તરીકે માને છે. જ્યારે તેમના માટે પ્રથમ પ્રેમ હજુ પણ થિયેટર જ છે. આ બધા વચ્ચે ડેવિડ OTT એક્ટર્સને ચેલેન્જ કરતાં કહે છે કે, 'થિયેટર આવો અને તમારી ઓકાત બતાવો... વાસ્તવિક સ્થિતિ ફક્ત થિયેટરમાં જ જોવા મળે છે.' 

OTTના એક્ટર્સને ડેવિડ ધવનની ચેલેન્જ 

ડેવિડે તાજેતરમાં આપેલા એક ઈન્ટરવ્યૂમાં OTTના એક્ટર્સને ચેલેન્જ કરી હતી. તેમનું એવુ માનવું છે કે, સાચા અર્થે થિયેટરમાં ફિલ્મ જોવાનો જાદુ પૂરો થઈ ગયો છે. ડેવિડના પ્રમાણે, OTT ફિલ્મ મેકર્સના માટે એક સિક્યોર પ્લેટફોર્મ છે, જેમાં તેમને મીડિયા ટેસ્ટિંગ અને બોક્સ ઓફિસ રિજલ્ટના દબાવ સામે બચવાનો લાભ મળે છે. પરંતુ થિયેટરના અનુભવની સરખામણીમાં તે ક્યાંય ઊભું રહેતું નથી.

'થિયેટર આવો અને તમારી ઓકાત બતાવો...' 

ડેવિડે અરબાઝ ખાન સાથે વાતચીત કરતી વખતે કહ્યું હતું કે, 'થિયેટર આવો અને તમારી ઓકાત બતાવો. તે થિયેટર ફિલ્મ કરી શકશે નહીં. પણ અંતે તમારા વખાણ ત્યારે જ થાય છે જ્યારે તમે થિયેટરમાંથી આવો છો.' તેમણે પોતાની વાતની સાબિતી આપતા કહ્યું કે, 'જ્યારે કોઈ મહત્વપૂર્ણ સીન પર તાળીઓના ગડગડાટ થાય છે, ત્યારે લાઈવ દર્શકોના રિએક્શનથી વધારે કાંઈ નથી. આ પ્રકારની રિએક્શન તમને OTT પર જોવા મળશે નહીં.'

હું દિલથી થિયેટરનો શોખીન છું

તેમણે એ વાત પર જોર દેતા કહ્યું કે, 'હું દિલથી થિયેટરનો શોખીન છું અને કોઈપણ મંચ થિયેટર રીલિઝ દરમિયાન જોવા મળતી એનર્જીનું પુનરાવર્તન કરી શકાતું નથી.' જ્યારે ડેવિડની છેલ્લી ફિલ્મ ગોવિંદાની કૂલી નંબર 1 ની રિમેક કોરોના માહામારીને કારણે OTT પ્લેટફોર્મ એમેઝોન પ્રાઈમ વીડિયો પર સ્ટ્રીમ કરવામાં આવી હતી. આ ફિલ્મમાં વરુણ ધવન અને સારા અલી ખાન જોવા મળ્યાં હતા.

ડેવિડ રોમેન્ટિક કોમેડી ફિલ્મ બનાવાની તૈયારી

આ દરમિયાન મળતી જાણકારી પ્રમાણે, ડેવિડ ધનવ વરુણ ધવનને લઈને રોમેન્ટિક કોમેડી ફિલ્મ બનાવાની તૈયારીમાં છે, આમ તે ફિલ્મનું નામ 'જવાની તો ઈશ્ક હોના હૈ' નક્કી કરવામાં આવ્યું છે. જેને ઓક્ટોબર 2025માં રીલિઝ કરવામાં આવશે. જો કે, અત્યારસુધીમાં ફિલ્મને લઈને કોઈ પ્રકારે ઓફિસિયલ અનાઉન્સમેન્ટ કરવામાં આવ્યું નથી.