બિગ બૉસ ફેમ અનુરાગ ડોભાલે ખરીદ્યુ સપનાનુ ઘર,શેર કરી પોસ્ટ

નવી દિલ્હી,તા. 29 માર્ચ 2024, શુક્રવાર  

બિગ બોસ 17 ફેમ અને યુટ્યુબર અનુરાગ ડોભાલ અવારનવાર કોઈને કોઈ કારણસર સમાચારમાં રહે છે. બિગ બોસ બાદ અનુરાગની લોકપ્રિયતામાં વધુ વધારો થયો છે. શો છોડ્યા બાદ બાબુ ભૈયાએ પોતાના માટે નવી કાર ખરીદી હતી. હવે અનુરાગે તેનું બીજું સપનું પૂરું કર્યું છે.

અનુરાગે પોતાનું ઘર ખરીદ્યું

અનુરાગે પોતાના લેટેસ્ટ વ્લોગમાં પોતાની ખુશી વ્યક્ત કરી છે. આ વ્લોગમાં અનુરાગે જણાવ્યું છે કે તેણે તેની માતાના નામે એક ફ્લેટ બુક કરાવ્યો છે જે તેણે પોતાની કમાણીથી ખરીદ્યો છે. અનુરાગનું આ પહેલું ઘર છે જે તેણે પોતાના પૈસાથી ખરીદ્યું છે. બાબુ ભૈયાએ ખુદ પોતાના ચાહકોને આ જાણકારી આપી છે. આ જાણીને અનુરાગની માતા ભાવુક થઈ ગઈ હતી.

આ સમાચાર શેર કરતી વખતે અનુરાગની માતા ખૂબ જ ભાવુક દેખાતી હતી. અનુરાગે વ્લોગમાં કહ્યું છે કે, આજ સુધી મેં ઘણી કાર, બાઇક, સુપરકાર ખરીદી છે. એકવાર મેં ઘર બનાવવા માટે જમીન ખરીદી પણ તેના પર પાર્કિંગ બનાવ્યું. તમે લોકો જાણો છો કે, મારા પરિવારના સભ્યો લાંબા સમયથી લાગેલા હતા, કે કંઇને કંઇક કર. તેથી હવે આખરે મેં તે કરી લીધું છે. મમ્મી, મેં એ જમીન તમારા નામે ખરીદી છે. 

ચાહકોને આ સલાહ આપી

અનુરાગે વ્લોગમાં પોતાની જમીનની ઝલક પણ બતાવી છે. તેણે કહ્યું કે, આ ઉંમર એવી હશે કે તમારે તમારા બધા સપના પૂરા કરવાના છે પરંતુ આ સમયે તમારે રોકાણ કરવું પડશે. તમારા ભવિષ્ય માટે કારણ કે, આ એકમાત્ર સમય છે જે તમારા ભવિષ્યને સ્થિર કરે છે. અનુરાગે તેના ચાહકોને આગળ સલાહ આપી કે, તેઓએ તેમના પૈસા પણ બચાવવા જોઈએ. યુટ્યુબરે કહ્યું, 'તમે 100 રૂપિયા કમાતા હોવ તો પણ 50 રૂપિયા બચાવો'.