શાહરૂખના સતત બીજા પ્રોજેક્ટમાં ભૂમિ પેડનેકરની એન્ટ્રી

- શાહરૂખની કંપનીની ભક્ષક પછી ભૂમિની બીજી ફિલ્મ

- ફિલ્મ હાલ પ્રિ પ્રોડક્શન સ્ટેજમાં, બાકીના કલાકારોની જાહેરાત ટૂંક સમયમાં

મુંબઈ : ભૂમિ પેડનેકરને શાહરુખ ખાનની પ્રોડક્શન કંપની રેડ ચીલીઝ એન્ટરટેઈનમેન્ટની સતત બીજી ફિલ્મમાં તક મળી છે. શાહરુખની કંપનીએ બનાવેલી 'ભક્ષક' ફિલ્મમાં  ભૂમિએ મુખ્ય ભૂમિકા ભજવી હતી. હવે આ કંપની એક નવી ફિલ્મ બનાવી રહી છે તેમાં પણ ભૂમિને સાઈન કરાઈ હોવાના અહેવાલો છે. 

જોકે, આ નવી ફિલ્મની સ્ટોરી કે બાકીની કાસ્ટ અંગે કોઈ જાહેરાત થઈ નથી. નિર્માતાઓ ટૂંક સમયમાં સત્તાવાર રીતે કોઈ એનાઉન્સમેન્ટ કરે તેવી સંભાવના છે.  'ભક્ષક'ના ડાયરેક્ટર પુલકિત જ આ નવી ફિલ્મનું દિગ્દર્શન સંભાળશે. 

ભૂમિએ શરુઆતની કેટલીક ફિલ્મોમાં શાનદાર એક્ટિંગ કરીને ક્રિટિક્સની પ્રશંસા મેળવી હતી. જોકે બાદમાં તેની કારકિર્દીને ભારે પછડાટ સહન કરવી પડી છે. તાજેતરમાં  અર્જુન કપૂર સાથેની તેની ફિલ્મ 'લેડી કિલર' ને ઓટીટી પર કોઈ લેવાલ ન મળતાં સીધી યુ ટયુબ પર વિનામૂલ્યે રજૂ કરી દેવાની ફરજ પડી હતી.