હવે બનશે સૌરવ ગાંગુલીની બાયોપિક, આયુષ્યમાન ખુરાના મુખ્ય ભૂમિકામાં, ડાબોડી બેટિંગ શીખવી પડશે

આયુષ્યમાન ખુરાનાએ ભારતીય ક્રિકેટ ટીમના પૂર્વ કપ્તાન સૌરવ ગાંગુલીની બાયોપિક માટે તૈયારી શરુ કરી દીધી છે. તે થોડા મહિના સુધી ક્રિકેટની તાલીમ લેશે.  આ ફિલ્મનું દિગ્દર્શન 'ઉડાન,','લૂટેરા', 'ભાવેશી જોશી સુપર હીરો' અને ' જ્યુબિલી' સહિતના પ્રોજેક્ટસના સર્જક વિક્રમાદિત્ય મોટવાણે કરી રહ્યા છે. 

સૂત્રોના જણાવ્યા અનુસાર, ગયા વર્ષથી આયુષ્માન ખુરાના આ ફિલ્મ માટે વાતચીત કરી રહ્યો હતો. સૌરવ ગાંગુલીની બાયોપિક માટે આયુષ્માન જ નિર્માતાઓની પ્રથમ પસંદગી હતો. તેનું કારણ એ હતું કે, આયુષ્માન ખુરાના પણ ડાબોડી છે, જેથી તે બેટિંગ કરે ત્યારે નેચરલ લાગે.  હવે તેણે આ ફિલ્મ સાઈન કરી દીધી છે અને ખૂબ ઝડપથી આ રોલની તૈયારી શરૂ કરશે. જો કે આ ફિલ્મના શૂટિંગની ટાઇમલાઇનનો નિર્ણય હજુ લેવામાં આવ્યો નથી. આ ફિલ્મનું શૂટિંગ 2024ના સેકન્ડ હાફમાં શરૂ થાય તેવી શક્યતા છે.