આર્યન ખાને બનાવેલી ઓટીટી સીરિઝ 2025માં રીલિઝ કરાશે

- સ્ટારડમ સીરિઝમાં અનેક કલાકારોનો કાફલો

મુંબઇ : શાહરુખ ખાનના પુત્ર આર્યન ખાને દિગ્દર્શિત કરેલી વેબ સીરિઝ 'સ્ટારડમ' આવતાં વર્ષે રીલિઝ કરાશે. આ સીરિઝને ખુદ શાહરુખ ખાને પ્રોડયૂસ કરી  છે. તેમાં શાહરુખની જીવનકથા હોવાની અટકળો છે.  આ સીરિઝમાં શાહરુખ ઉપરાંત રણબીર, રણવીર, કરણ જોહર સહિત અનેક સેલિબ્રિટીનો કેમિયો જોવા મળશે.  શાહરુખે પોતે આ સીરિઝની રીલિઝની જાહેરાત કરી હતી.  આર્યન ખાને પિતાના પગલે એક્ટર બનવાને બદલે ડાયરેક્ટર બનવાનું પસંદ કર્યું છે. તેણે અમેરિકામાં  ફિલ્મ મેકિંગનો કોર્સ પણ કર્યો છે.