સિંઘમ અગેઈનમાં અર્જૂન કપૂર વિલનના રોલમાં

- સિંઘમ અગેઈનમાં ગણ્યા ગણાય નહીં તેટલા કલાકાર

- બોબી દેઓલ એનિમલના વિલન તરીકે હિટ થઈ જતાં અર્જુન કપૂરને પણ ધખારો જાગ્યો

મુંબઇ : રોહિત શેટ્ટીની 'સિંઘમ અગેઈન'માં અજય દેવગણ ઉપરાંત રણવીર સિંહ, કરીના, દીપિકા, ટાઈગર શ્રોફ એમ કેટકેટલાય કલાકારોના મેળામાં અર્જુન કપૂર વિલન તરીકેની ભૂમિકા ભજવવાનો છે. 

મૂળ 'સિંઘમ' ફિલ્મના વિલન તરીકે પ્રકાશ રાજે અદ્ભૂત એક્ટિંગ કરી હતી અને દેશભરમાં ચાહના મેળવી હતી. તેની સરખામણીએ  'સિંઘમ અગેઈન'માં અર્જુન કપૂર જેવા નબળા અને ફલોપ એક્ટરની પસંદગીથી આશ્ચર્ય સર્જાયું છે. 

તાજેતરમાં બોબી દેઓલને 'એનિમલ'માં વિલન તરીકે સફળતા મળ્યા પછી અર્જુન કપૂરને પણ એવાં ઓરતાં છે કે પોતે 'સિંઘમ અગેઈન'માં વિલન તરીકે છવાઈ જશે. 

અર્જૂન કપૂરનો આ ફિલ્મનો ફર્સ્ટ લૂક જાહેર થયો છે. જોકે, રક્તરંજિત ચહેરા સાથેનો તેનો લૂક પણ મોટાભાગના લોકોને બોબી દેઓલના 'એનિમલ'ના લૂકની નકલ સમાન જ લાગ્યો છે.